އުމުރުން 45 އަހަރުގެ ދިވެހި ފިރިހެނަކު މާލޭގައި ހުންނަ ގެސްޓްހައުސެއްގައި މަރުވެފައި އޮއްވައި ފެނިއްޖެއެވެ.
ފުލުހުން ބުނީ، މާފަންނުގައި ހުންނަ ގެސްޓްހައުސެއްގައި ދިވެއްސަކު މަރުވެފައި އޮތް ކަމުގެ މައުލޫމާތު ލިބިފައިވަނީ މިއަދު ހަވީރު 5:51 ހާއިރު ކަމަށެވެ.
މަރުވެފައި އޮއްވައި ފެނުނީ އޯސަނިކްވިލާ / ހއ. މޮޅަދޫ، އުމުރުން 45 އަހަރުގެ އިބްރާހީމް ނަޢީމެވެ.
ނަޢީމްގެ މަރާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.
ނަމަވެސް އިތުރު ތަފުސީލެއް ފުލުހުން ނުދެއެވެ.