ރާއްޖޭގައި ހުރި ރުއްތަކުގެ މަތިވަރު ހަލާކުވެފައިވާތީ، ރުއް އާލާކުރުމުގެ މައި މަރުކަޒެއް ގާއިމުކުރުމަށް އދ. އަރިޔަދޫއާ މިނިސްޓްރީން ހަވާލުވެފައިވާ ކަމަށް އެގްރިކަލްޗާ މިނިސްޓަރު ޑރ. މަރިޔަމް މާރިޔާ މިއަދު ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ، ރުއް އާލާކުރުމުގެ ގައުމީ ޕޮރޮގްރާމެއް މިހާރު ފަށާފައިވާ ކަމަށެވެ.
މިނިސްޓަރު ވިދާޅުވި ގޮތުގައި، ރާއްޖޭގައި މިހާރު ހުރީ ގިނަ ދުވަސްވެ، ފަސޭހައިން އެރޭ ވަރަށް ވުރެ ދިގުވެ، މަތިވަރު ހަލާކުވެފައިވާ ރުއްތަކެވެ.
އެ ކަމަށް ހައްލެއް ގެނައުމަށް ރުއް އާލާކުރުމަށް ނިންމާފައިވާކަން މިނިސްޓަރު ހާމަކުރެއްވިއެވެ.
އެގްރިކަލްޗާ އެންޑް އެނިމަލް ވެލްފެއާ މިނިސްޓަރު ޑރ. މަރިޔަމް މާރިޔާ ---- ފޮޓޯ/ އެގްރިކަލްޗާ މިނިސްޓްރީ
މި ކަމަށް ހައްލެއް ގެނައުމުގެ ގޮތުން، އދ. އަރިޔަދޫގައި ރުއް އާލާކުރުމުގެ މައި މަރުކަޒެއް ގާއިމުކުރުމަށް މިހާރު ވަނީ މި ރަށް މިނިސްޓްރީއާ ހަވާލުކޮށްފައިއެގްރިކަލްޗާ އެންޑް އެނިމަލް ވެލްފެއާ މިނިސްޓަރު ޑރ. މަރިޔަމް މާރިޔާ
އޭގެއިތުރަށް، އެ ޕްރޮގްރާމުގެ ތެރެއިން އަރިޔަދޫގެ ތިމާވެށީގެ އެސެސްމަންޓާއި ލޭންޑް ޔޫސް ޕްލޭން ހެދުމުގެ މަސައްކަތް ކުރަމުން އަންނަ ކަމަށް މާރިޔާ ވިދާޅުވިއެވެ. އެ މަސައްކަތްތައް ނިމި، ލޭންޑް ޔޫސް ޕްލޭނާ އެއްގޮތަށް އިންވެސްޓް ކުރުމަށް އިއުލާނު ކުރެވޭނެކަން މިނިސްޓަރު ވަނީ ހާމަކުރައްވާފައެވެ.
ފާހަގަކުރެވޭ ގޮތުގައި، ރާއްޖޭގެ ރުއްތަކުގެ މަތިވަރު ދަށްވެ، ކާށި ނުލިބޭ ކަމުގެ ޝަކުވާ ބޮޑެވެ. އެހެންވެ، ކާށީގެ އަގު އުފުލުމަށް މަގުފަހިވާ ކަމުގެ ޝަކުވާ ކުރެއެވެ.