އިސްރާއީލުން އީރާނަށް ހަމަލާ ދެމުން އަންނައިރު, އީރާނުގެ އެ ސަރަހައްދުގައި ހުންނަ އެމެރިކާގެ ވައިގެ މަރުކަޒުތަކަށް އަމާޒުކޮށް ހަމަލާދީފިއެވެ.
އީރާނުގެ ނޫހަކުން ވަނީ، ހަތަރު ގައުމެއްގައި ހުރި އެމެރިކާގެ ވައިގެ މަރުކަޒުތަކަށް އަމާޒުކޮށް އެ ގައުމުން ހަމަލާދީފައިވާ ކަމަށް ބުނެފައެވެ. އޭގެ ތެރޭގައި ގަތަރާއި ކުވޭތާއީ ޔޫއޭއީގައި ބަހްރޭން ހިމެނޭ ކަމަށް ރިޕޯޓުކޮށްފައިވެއެވެ.
އަލްޖަޒީރާއިން ވަނީ، ސައުދީ އަރަބިއްޔާއިން ވެސް ގޮވުންތަކުގެ އަޑުތައް އިވޭ ކަމަށް ރިޕޯޓުކޮށްފައެވެ.
އެ ހަމަލާތަކާ ގުޅިގެން ގަތަރުން ވަނީ ފޯނުތަކަށް އެލާޓެއް ނެރެ، ގޭގައި ވިޔަސް އެހެން ތަނެއްގައި ވިޔަސް، އަސްކަރީ މަރުކަޒުތަކާ ދުރުގައި ހުރިހާ ރައްޔިތުން ތިބުމަށް ލަފާދީފައެވެ.
ގޮވުންތަކެއްގެ އަޑު ޔުނައިޓެޑް އެރެބް އެމިރޭޓްސް ވެރިރަށް އަބޫ ދާބީއަށްވެސް ވަނީ އިިވިފައެވެ.
އިސްރާއީލުން ފުރަތަމަ އީރާނަށް ހަމަލާދީފައިވާއިރު، ރައްދުގައި ވަރުގަދަ ހަމަލާ ދޭނެ ކަމަށް މީގެ ކުރިން ވެސް އީރާނުން ބުނެފައިވެއެވެ.