މީގެ 80 އަހަރުކުރިން އދ. އުފެއްދީ މިންތީގެ ހަމަހަމަކަން ގާއިމުކުރުމަށް މުޅި ދުނިޔެއަށް ގޮވާލުމަށެވެ. އެކަމަކު، އެ މުއައްސަސާގެ އަމިއްލަ އެންމެ މަތީ މަގާމުތަކުގައި އެ އުސުޅު ތަންފީޒުނުކޮށް އޮތުމަކީ ސުފާލު އުފެދޭ ކަމެކެވެ.
އަންހެން ބޭފުޅަކު އައްޔަންކުރުމުގެ މައްސަލައަކީ ހަމައެކަނި ރަމްޒީ ކަމެއް ނޫނެވެ. އެއީ ތާރީޚީ ހަގީގަތްތަކާއި ތަފާސްހިސާބުތަކުން ފެންނަން ހުރި ހެކިތަކަކީ މިއަދު ދުނިޔޭގެ ސިޔާސީ މަސްރަހުގައި އުފެދިފައިވާ ޚާއްސަ ހާލަތްތަކުގެ މައްޗަށް ބިނާވެފައިވާ ވަރުގަދަ ހުއްޖަތެކެވެ.
އަށްޑިހަ އަހަރު ވަންދެން މެންބަރު ގައުމުތަކުގެ މައްޗަށް ހަމަހަމަކަމަށް ވަކާލާތުކުރަމުން އައި ޖަމިއްޔާއަކުން، އަމިއްލަ ނިންމުންތަކުގައި އެ ހަމަހަމަކަން ދައްކުވައިދޭންޖެހޭ ވަގުތު މިހާރު ވަނީ ޖެހިފައެވެ. ނަވާރަ ސަތޭކަ ނުވަ ދިހަ ހަތަރު ވަނަ އަހަރުން ފެށިގެން މިއަދާ ހަމައަށް އދ. ގެ ސެކްރެޓަރީ ޖެނެރަލްގެ މަގާމު ފުރުއްވާފައިވަނީ ނުވަ ފިރިހެން ބޭފުޅުންނެވެ.
މިހާރު އެ މަގާމުގައި ހުންނެވި އަންޓޯނިއޯ ގުޓަރެސްގެ ދައުރު އަންނަ ޑިސެންބަރު 31 ގައި ހަމަވާއިރު، ދިހަވަނަ ސެކްރެޓަރީ ޖެނެރަލަކު ހޮވުމަށްޓަކައި އދ. ގެ ސަލާމަތީ މަޖިލީހުން ސިއްރު ވޯޓުތައް އަންނަނީ ބާއްވަމުންނެވެ. އެއީ، ހަމައެކަނި އެންމެ މަގާމަކަށް މީހަކު ނެގުމަށް ކުރާ މަސައްކަތެއް ނޫނެވެ. މިއީ ފާއިތުވި އަށްޑިހަ އަހަރު ތެރޭގައި އެ ޖަމިއްޔާއިން ދައްކަމުން އައި ވާހަކަތަކާއި އަމަލާ ދިމާވޭތޯ ކުރެވޭ އިމްތިހާނެކެވެ. އަށްޑިހަ އަހަރު ވަންދެން ހަމައެކަނި ފިރިހެނުން އދ. ގެ ވެރިކަން ކުރަމުން އައި އައުން ނިމުމަކަށް ގެނެސް، ދެން އަންނަ ސެކްރެޓަރީ ޖެނެރަލަކީ އަންހެން ބޭފުޅަކަށް ވާންޖެހޭ ބައިވަރު ސަބަބުތައް އެބަހުއްޓެވެ.
މިހާރު އދ.ގެ ސެކެޓަރީ ޖެނެރަލްގެ މަގާމަށް ވާދަކުރައްވާ ބޭފުޅުން --- ފޮޓޯ/ އދމިއީ ވަކި ބަޔަކަށް ދެވޭ ޚާއްސަ އިނާޔަތަކަށް ނުވާއިރު، މިއީ ޒަމާންތަކެއް ވަންދެން އޮތް އުނިކަމެއް އިސްލާހުކުރުމަށް ކޮންމެހެން އަޅަންޖެހޭ ފިޔަވަޅެކެވެ. ތަފާސްހިސާބުތަކަށް ނަޒަރު ހިންގައިލުމުން ފެންނަނީ ކަންބޮޑުވާންޖެހޭ ފަދަ ނަސްލީ ތަފާތުކުރުމެކެވެ. 1945 ވަނަ އަހަރުން ފެށިގެން ސެކްރެޓަރީ ޖެނެރަލްގެ މަގާމަށް ރަސްމީކޮށް ވާދަކުރެއްވި ހުރިހާ ކެންޑިޑޭޓުންގެ މައުލޫމާތު އެއްކޮށްފައިވާ ވިމެން އިން މަލްޓިލެޓަރަލިޒަމް ރިޕޯޓުގެ 2026 ވަނަ އަހަރުގެ އަދަދުން ދައްކާ ގޮތުގައި، އެ މަގާމަށް 48 ފިރިހެން ބޭފުޅުން ވާދަކުރެއްވިއެވެ. އެކަމަކު އަންހެން ކެންޑިޑޭޓުންގެ ގޮތުގައި ތިއްބެވީ އެންމެ 8 ބޭފުޅުންނެވެ. އޭގެ ތެރެއިން އެއްވެސް އަންހެން ބޭފުޅަކު އެ މަގާމަށް އިންތިޚާބުވެވަޑައިގެންފައެއް ނުވެއެވެ.
އދ. އުފެދުނު ފަހުން ފުރަތަމަ ފަސްދޮޅަސް އަހަރު ތެރޭގައި އެ މަގާމަށް އެންމެ އަންހެން ބޭފުޅެއްގެ ނަން ވެސް ރަސްމީކޮށް ހުށަހެޅިފައި ނުވެއެވެ.
އެ ރޭހަށް އެންމެ ފުރަތަމަ ނުކުންނެވި އަންހެން ބޭފުޅަކީ 2006 ވަނަ އަހަރު ވާދަކުރެއްވި ލެޓްވިއާގެ އޭރުގެ ރައީސް ވައިރާ ވިކޭ-ފްރެއިބާގާއެވެ. މުޅި ބައިނަލްއަގުވާމީ ނިޒާމަށް ބަލާއިރުވެސް ފެންނަނީ ވަރަށް ލަހުން އަދި ނަހަމަ ގޮތެއްގައި ކުރިއެރުން އަންނަ މަންޒަރެވެ. އެ ރިޕޯޓުގައި ދިރާސާކޮށްފައިވާ 54 ބައިނަލްއަގުވާމީ ޖަމިއްޔާއަށް 1945 ވަނަ އަހަރުން ފެށިގެން 540 ވެރިން އައްޔަންކޮށްފައިވާއިރު، އޭގެ ތެރޭގައި ހިމެނެނީ އެންމެ 70 އަންހެން ބޭފުޅުން ކަމަށް އެ ރިޕޯޓުގައި ބަޔާންކޮށްފައިވެއެވެ. ވިހިވަނަ ގަރުނުގެ ފަހު ފަންސާސް އަހަރު ތެރޭގައި އެފަދަ މުއައްސަސާތަކުގެ އިސްވެރިންގެ ތެރޭގައި އަންހެނުންގެ އެވްރެޖް ނިސްބަތަކީ އެންމެ 3.7 އިންސައްތައެވެ. އެ މުއްދަތުގައި އެ އަދަދު ދުވަހަކުވެސް 10 އިންސައްތައަށް ވުރެ މައްޗަށް ގޮސްފައެއް ނުވެއެވެ.
މިހާރު އދ. ގެ ސެކެޓްރީ ޖެނެރަލް: އޭނާގެ ދައުރު މި އަންނަ ޑިސެމްބަރު 31އަށް ހަމަވާނެ --- ފޮޓޯ/ ގެޓީ އިމޭޖަސްކަން އެހެން އޮތަސް، ފަހުގެ ތަފާސްހިސާބުތަކުން އުންމީދީ ބަދަލުތަކެއް ފެންނަން އެބަހުއްޓެވެ. މިއަހަރުގެ ވަނަ އަހަރުގެ ރިޕޯޓުގައި ބަލާފައިވާ 62 ޖަމިއްޔާގެ ތެރެއިން 46 އިންސައްތަ ޖަމިއްޔާތަކުގެ އިސްވެރިންގެ ގޮތުގައި މިހާރު ތިއްބެވީ އަންހެން ބޭފުޅުންނެވެ. ބާރުވެރިކަން ބޮޑުވާ ވަރަކަށް އަންހެނުންގެ ހިއްސާ ކުޑަވަމުންދާކަން އެ ރިޕޯޓުން ހާމަވެއެވެ. އެގޮތުން ޖަމިއްޔާތަކުގެ ހިންގާ ބޯޑުތަކުގެ ގޮނޑިތަކުގައި އަންހެނުންގެ އެވްރެޖް ނިސްބަތަކީ 29 އިންސައްތަ ކަމަށްވާއިރު، ނިއުޔޯކްގައި ތިއްބަވާ ދާއިމީ މަންދޫބުންގެ ތެރޭގައި އަންހެނުން ހިއްސާކުރަނީ 23 އިންސައްތައެވެ. އަދި، 72 ގައުމަކުން ދުވަހަކުވެސް އެ މަގާމަށް އަންހެން ބޭފުޅަކު ފޮނުވާފައެއް ނުވެއެވެ. މިކަމުން ސާބިތުވާ އެންމެ މުހިންމު ހަގީގަތަކީ، ސިޔާސަތުތައް ކަނޑައަޅައި ނިންމުންތައް ނިންމުމުން ބަދަލު އަންނަ ކަމެވެ.
އދ. ގެ ސެކްރެޓޭރިއަޓްގެ އިސް މަގާމުތަކުގައި މިހާރު އަންހެނުންނާއި ފިރިހެނުންގެ ނިސްބަތް އެއްވަރުވެފައިވަނީ ގަސްތުގައި އެކަށައެޅި ސިޔާސަތެއްގެ ނަތީޖާއެއްގެ ގޮތުންނެވެ. އެހެން ހުރިހާ މަގާމުތަކަކަށް ނަމޫނާ ދައްކަންޖެހޭ އެންމެ މަތީ މަގާމު އަދިވެސް އަންހެނަކަށް ލިބިފައި ނުވާކަން ފާހަގަކުރެވެއެވެ.
އޭޖީޑީއޭއިން މިދިޔަ ވަނަ އަހަރު ނެރުނު ވިމެން އިން ޑިޕްލޮމަސީ އިންޑެކްސްއިން ދައްކާ ގޮތުގައި، މުޅި ދުނިޔޭގައި ސަފީރުންނާއި ދާއިމީ މަންދޫބުންގެ މަގާމުތަކުގައި އަންހެނުން ހިއްސާކުރަނީ 22.5 އިންސައްތައެވެ. ސެކްރެޓަރީ ޖެނެރަލުން އާންމުކޮށް ހޮވަނީ މި ދާއިރާއިން ކަމަށްވާއިރު، އެ ދާއިރާގައި އަދިވެސް ފިރިހެނުންގެ ނުފޫޒު ވަރަށް ބޮޑެވެ. ނަމަވެސް ސަރުކާރުތަކުން ބަދަލު ގެންނަން ނިންމުމުން ނަތީޖާ ފެންނަކަން އެ އިންޑެކްސްގައި ބަޔާންކޮށްފައިވެއެވެ.
މީހަކު އދ.ގެ ދިދައެއް ކައިރި --- ފޮޓޯ/ ފްލިކްއާރްދެހާސް ވަނަ އަހަރުގެ އިންތިޚާބުން ލިބުނު ފިލާވަޅުތަކަށް ފުންކޮށް ވިސްނާލަންޖެހެއެވެ. އދ. ގެ ތާރީޚުގައި އެންމެ ހާމަކަން ބޮޑު ގޮތެއްގައި ކުރިއަށްގެންދިޔަ އެ އިންތިޚުބުގައި ކޮންމެ ކެންޑިޑޭޓަކާ އެކު އާންމު ބަހުސްތައް ބާއްވައި، އަންހެން ކެންޑިޑޭޓުން ނޮމިނޭޓްކުރުމަށް ފާޅުގައި ދައުވަތު ދެވުނެވެ. އޭގެ ނަތީޖާއެއްގެ ގޮތުން ރަސްމީކޮށް ހަތް އަންހެން ބޭފުޅުންގެ ނަން ހުށަހެޅުނުއިރު، އެއީ އޭގެ ކުރިން ވޯޓު ކަރުދާހާ ހަމައަށް ދިޔަ އަންހެން ކެންޑިޑޭޓުންގެ ޖުމްލަ އަދަދުގެ ދެގުނައަށް ވުރެވެސް އިތުރު އަދަދެކެވެ. އެ ބޭފުޅުންގެ ތެރޭގައި ނިއުޒިލެންޑްގެ ކުރީގެ ބޮޑުވަޒީރު އަދި ޔޫއެންޑީޕީގެ ކުރީގެ ވެރިޔާ ހެލެން ކްލާކާއި، ޔުނެސްކޯގެ ކުރީގެ ޑިރެކްޓަރު ޖެނެރަލް އިރީނާ ބޮކޯވާއާއި، އާޖެންޓީނާގެ ކުރީގެ ފޮރިން މިނިސްޓަރު ސުސާނާ މަލްކޯރާއާއި، ކޮސްޓަ ރީކާގެ އިސް ޑިޕްލޮމެޓް ކްރިސްޓިއާނާ ފިގޭރެސްގެ އިތުރުން އިންޓަނޭޝަނަލް މަނިޓަރީ ފަންޑް (އައިއެމްއެފް) ގެ މިހާރުގެ ވެރިޔާ ކްރިސްޓަލީނާ ޖޯޖިއޭވާ ހިމެނިވަޑައިގަތެވެ.
އެހެންކަމުން، ގާބިލުކަމާއި ތަޖުރިބާ ނެތުމަކީ ދުވަހަކުވެސް ދިމާވި މައްސަލައެއް ނޫނެވެ. 2016 ވަނަ އަހަރުގެ ކުރީކޮޅުގެ ސިއްރު ވޯޓުލުންތަކުގައި އަންހެން ކެންޑިޑޭޓުންނަށް ވުރެ ފިރިހެން ކެންޑިޑޭޓުންނަށް މެދުކެނޑުމެއް ނެތި އިތުރު ތާއީދު ލިބެމުންދިޔައިރު، އެންމެ ފުލުގައި އޮތް ފަސް މަގާމުގައި ތިއްބެވީ އަންހެން ބޭފުޅުންނެވެ. އަދި އިންތިހާބުގެ މެދުތެރެއިން ބަލްގޭރިއާއިން ބޮކޯވާއަށް ދެމުން އައި ތާއީދު އަނބުރާ ގެންގޮސް، ފަހު ވަގުތު ޖޯޖިއޭވާ ނޮމިނޭޓްކުރުމުން ތާއީދު ބައިބައިވެގެން ދިޔައެވެ. އެ އިންތިހާބުން ލިބުނު ފިލާވަޅަކީ އަންހެނުންގެ ކިބައިގައި ގާބިލުކަން ނެތުން ނޫން ކަމަށާއި، ހުޅުވާލެވިފައިވާ ދައުވަތަކީ ހަމަހަމަ ނިޒާމަކަށް ނުވާކަމެވެ. މަލްކޯރާ ފަހުން ވިދާޅުވެފައިވާ ފަދައިން، އަސްލު ސުވާލަކީ ގާބިލުކަން މާނަކޮށް، އިންސާފުވެރިކަމާ އެކު އެކަން ބަލައިގަނެވިފައިވޭތޯއެވެ.
މާޒީގެ އެ ތަޖުރިބާއާ ޚިލާފަށް، މިއަދު މިވަނީ މުޅިން ތަފާތު އަދި ފަހި މާހައުލެއް އުފެދިފައެވެ. ފުރަތަމަ ކަމަކަށް، އދ. ގެ އާންމު މަޖިލީހުން މިދިޔަ އަހަރުގެ ސެޕްޓެންބަރު މަހު ފާސްކުރި 79/327 ވަނަ ގަރާރުގައި، ސެކްރެޓަރީ ޖެނެރަލްގެ މަގާމު ދުވަހަކުވެސް އަންހެން ބޭފުޅަކު ފުރުއްވާފައި ނުވާތީ އެކަމާ ހިތާމަކުރާކަން ފާހަގަކޮށް، އަންހެން ކެންޑިޑޭޓުން ނޮމިނޭޓްކުރުމަށް ގައުމުތަކަށް ގޮވާލާ ގޮވާލުން ވަނީ ވަރުގަދަކޮށްފައެވެ.
މިއީ އާދައިގެ ދައުވަތަކުން މުއައްސަސާއެއްގެ ފެންވަރުގައި ކުރާ ހިތާމައަކަށް ބަދަލުވެގެންދިޔަ ބަދަލުވުމެކެވެ. ދެވަނަ ކަމަކަށް، ވާދަވެރިކަމުގެ މައިދާން ވަނީ ބަދަލުވެފައެވެ. މިދިޔަ ޖުލައި މަހުން ފެށިގެން ސަލާމަތީ މަޖިލީހުން ބޭއްވި ކޮންމެ ސިއްރު ވޯޓެއްގެވެސް އެންމެ ކުރީގައި އޮތީ އަންހެން ކެންޑިޑޭޓެއް ކަމަށާއި، ޔޫއެންސީޓީއޭޑީގެ ރެބެކާ ގްރިންސްޕަންއަށް އެންމެ ގިނަ އަދަދަކަށް ތާއީދުގެ ވޯޓު ލިބިވަޑައިގެންފައިވެއެވެ. އެހެންކަމުން، ތާރީހުގައި ފުރަތަމަ ފަހަރަށް އުފެދޭ ސުވާލަކީ އަންހެން ބޭފުޅަކަށް ވާދަވެރިވެވިދާނެތޯއެއް ނޫނެވެ. ސުވާލަކީ، ވޯޓުތަކުން ތަކުރާރުކޮށް ދައްކައިދީފައިވާ މި ނަތީޖާ ފުރިހަމަކުރުމަށް ސަލާމަތީ މަޖިލިސް ތައްޔާރަށް އޮތްތޯއެވެ.
އދ.ގެ މެންބަރު ގައުމުތަކާއި އދ.ގެ ދިދަތައް --- ފޮޓޯ/ އެލާމީމީގެ އިތުރުން، ސަރަހައްދީ ދައުރުވުމުގެ އުސޫލާއި މިންތީގެ ހަމަހަމަކަން މިފަހަރު މިވަނީ އެއް މިސްރާބަކަށް އަމާޒުވެފައެވެ. ނުރަސްމީ ސަރަހައްދީ ދައުރުވުމުގެ އުސޫލުގެ ދަށުން ދެން އެ މަގާމު ލިބެންޖެހޭނީ ލެޓިން އެމެރިކާއާއި ކެރީބިއަން ސަރަހައްދަށް ކަމަށް ގިނަ ބަޔަކު ދެކޭއިރު، މި އޮކްޓޫބަރު މަހު އެ ސަރަހައްދުގެ ގައުމުތަކުން ފާޅުގައި އެކަމަށް ބާރުއަޅާފައިވެއެވެ. އެ ސަރަހައްދަކީ ގައުމުތަކުގެ އިސްވެރިންނާއި، ހާރިޖީ ވަޒީރުންނާއި، ބައިނަލްއަގުވާމީ އިސް މަގާމުތައް ފުރުއްވާފައިވާ ތަޖުރިބާކާރު އަންހެން ބޭފުޅުން ގިނަ ސަރަހައްދެކެވެ. އެހެންކަމުން ސަރަހައްދީ ދައުރުވުމާއި މިންތީގެ ހަމަހަމަކަމަކީ އެކަތި އަނެކައްޗާ ފުށުއަރާ ދެ ކަންތައް ކަމުގައި ހަދާކަށް ނުޖެހެއެވެ.
ހަތަރުވަނަ އަދި އެންމެ މުހިންމު ސަބަބަކީ، އދ. ގެ ސައްހަކަމާއި އިތުބާރު ދެމެހެއްޓުމަށްޓަކައި މި ބަދަލު ކޮންމެހެން ބޭނުންވުމެވެ. އދ. އަށް ނުވަދިހަ ވަނަ އަހަރު ފުރިގެންދާއިރު، އެ ޖަމިއްޔާއަށް ވަނީ މާލީ ދަތިކަމާއި، ބާރުވެރިކަމާ މެދު އުފެދިފައިވާ ސުވާލުތަކާއި، އެ ޖަމިއްޔާގެ ޗާޓަރު އިމްތިހާނުކުރަމުންދާ ހަނގުރާމަތަކާ ކުރިމަތިލާންޖެހިފައެވެ. އަންހެނަކު އެ މަގާމަށް ގެންނަންޖެހޭ ކަމަށް ދައްކާ ވާހަކައަކީ އަންހެނުންގެ ވެރިކަން ތަފާތުވެފައި މާ މޮޅުވާނެ ކަމަށް ބުނެ ދައްކާ ވާހަކައެއް ނޫނެވެ. އެއީ ބަހުސްކުރެވޭ އަދި މި މައުޟޫއާ ގުޅުމެއް ނެތް ނުކުތާއެކެވެ. އަސްލު މައްސަލައަކީ މުއައްސަސާގެ ސައްހަކަމެވެ. 2000 ވަނަ އަހަރު ސަލާމަތީ މަޖިލީހުން ފާސްކުރި 1325 ވަނަ ގަރާރުން (އަންހެނުންނާއި، ސުލްހައާއި ސަލާމަތާ ބެހޭ އެޖެންޑާ ގާއިމުކުރި ގަރާރު) ފެށިގެން ފާއިތުވި ފަންސަވީސް އަހަރު ވަންދެން، ސުލްހައާއި ސަލާމަތާ ބެހޭ ނިންމުންތަކުގައި އަންހެނުން ބައިވެރިކުރުމަށް ސަރުކާރުތަކަށް ބާރުއަޅަމުން އައި ޖަމިއްޔާއަކަށް، އެ ޖަމިއްޔާގެ އަމިއްލަ އެންމެ މަތީ މަގާމު އެ މިންގަނޑުން އިސްތިސްނާކޮށްގެން ދެމިއެއް ނޯވެވޭނެއެވެ.
މި ބަދަލާ ދެކޮޅަށް ބައެއް ފަރާތްތަކުން އުފައްދާ އެންމެ އާންމު ސުވާލަކީ، ވަކި ޖިންސަކަށް އިސްކަންދިނުމުން ގާބިލުކަމުގެ މިންގަނޑަށް އަސަރުކޮށްފާނެ ކަމަށް ބުނެ ދައްކާ ވާހަކައެވެ. ސެކްރެޓަރީ ޖެނެރަލަކު ހޮވުމުގެ އިހުތިޔާރު ސަލާމަތީ މަޖިލީހަށާއި އާންމު މަޖިލީހަށް އޮތްއިރު، އެ މަގާމު ލިބެންޖެހޭނީ އެންމެ ގާބިލު ކެންޑިޑޭޓަކަށެވެ. ނަމަވެސް އެންމެ “ރަނގަޅު” ކެންޑިޑޭޓު ވަޒަންކުރަމުން އައިސްފައިވަނީ އާދަކާދައިގެ މަތިން އިންސާނިއްޔަތުގެ ދެބައިކުޅަ އެއްބައި އެކަހެރިކޮށްފައި އޮތް ހަނި ދާއިރާއެއްގެ ތެރެއިންނެވެ. އެހެންކަމުން އަންހެން ބޭފުޅަކު އެ މަގާމަށް އައްޔަންކުރުމަކީ ފެންވަރު ދަށްކުރުމެއް ނޫނެވެ. އެއީ ފެންވަރު ވަޒަންކުރުމުގެ ދާއިރާ މަސްނޫއީ ގޮތެއްގައި ހަނިކޮށްފައި ބޭއްވި ހުރަސް ނައްތާލުމެވެ.
އދ. ގެ ބައްދަލުވުމެއްގެ ތެރެއިން --- ފޮޓޯ/ އޭޕީ ނިއުސްމި ތާރީހީ ޒިންމާ މިއަދު އެޅިފައިވަނީ ސަލާމަތީ މަޖިލީހުގެ މެންބަރުންނާއި، ހާއްސަކޮށް ވީޓޯ ކުރުމުގެ ބާރު އޮންނަ ދާއިމީ މެންބަރުންގެ ކޮނޑުގައެވެ. ސިއްރު ވޯޓުލުންތަކުން ތަކުރާރުކޮށް ދައްކައިދީފައިވަނީ އަންހެން ކެންޑިޑޭޓަކަށް ބޭނުންވާ އަދަދަށް ވޯޓު ހޯއްދެވިދާނެ ކަމެވެ. ނަމަވެސް ސެކްރެޓަރީ ޖެނެރަލްގެ މަގާމަށް ވާދަކުރައްވާ އެއްވެސް ކެންޑިޑޭޓަކަށް ސަލާމަތީ މަޖިލީހުގެ ދާއިމީ 5 މެންބަރުންގެ ފުރިހަމަ ތާއީދު މިހާތަނަށް ލިބިވަޑައިގެންފައި ނުވާ ކަމަށާއި، އަދިވެސް އައު ކެންޑިޑޭޓުންނާއި އިތުރު އަންހެން ބޭފުޅުން މި ރޭހަށް ނޮމިނޭޓްކުރުމުގެ ފުރުސަތު ގައުމުތަކަށް އެބައޮތެވެ.
އދ. އިން ދުނިޔޭގެ ގައުމުތަކަށް ދޭ ނަސޭހަތާ އެއްގޮތަށް އެ ޖަމިއްޔާއިން އަމަލުކުރަންޖެހޭ ވަގުތު މިވަނީ ޖެހިފައެވެ. އެއް ޖިންސެއްގެ ބޭފުޅުން އެކަނި އެ ޖަމިއްޔާގެ އެންމެ މަތީ ގޮނޑި ފުރުއްވަމުން އައި ދިގު މާޒީ ނިމުމަކަށް ގެނެސް، ކުރިއަށް އޮތް ދައުރަށް އދ. ގެ ސެކްރެޓަރީ ޖެނެރަލްގެ މަގާމަށް ފުރަތަމަ ފަހަރަށް އަންހެން ބޭފުޅަކު އިންތިހާބުކުރަންޖެހެއެވެ. ކެންޑިޑޭޓުންގެ ގާބިލުކަމާއި ތާއީދު އޮތްކަން ސާބިތުވެފައިވާއިރު، ސަލާމަތީ މަޖިލީހުގެ ދާއިމީ މެންބަރުންގެ ކިބައިން ދެން ބޭނުންވަނީ މި ތާރީހީ ނިންމުން ހަގީގަތަކަށް ހެދުމުގެ ސިޔާސީ އިރާދައެވެ.