ވޮލީބޯލް އެސޯސިއޭޝަން އޮފް މޯލްޑިވްސް (ވީއޭއެމް) އިން އިންތިޒާމުކޮށްގެން ބާއްވާ މިއަހަރުގެ ގައުމީ ވޮލީބޯޅަ ލީގުގެ ކުޅުން އޮކްޓޯބަރު މަހުގެ 15 ވަނަ ދުވަހު ފެށުމަށް ވަނީ ތާވަލުކޮށްފައެވެ.
މި ފަހަރުގެ މުބާރާތުގެ އަންހެން އަދި ފިރިހެން ޑިވިޝަނުގެ ކުޅުން އެކުއެކީގައި ކުރިއަށްދާއިރު، ފިރިހެން ޑިވިޝަން އޮކްޓޯބަރު 15 ގައި އަދި އަންހެން ޑިވިޝަން އޮކްޓޯބަރު 17 ގައި ފެށުމަށް ވަނީ ހަމަޖެހިފައެވެ.
ގައުމީ ވޮލީބޯޅަ މުބާރާތުގެ ފިރިހެން ޑިވިޝަނުގެ ޝެޑިއުލް--- ފިރިހެން ޑިވިޝަނުގައި ފަސް ޓީމެއް މިއަހަރު ވާދަކުރެއެވެ. އެއީ ކުލަބު އެމްޓީސީސީ، ކުލަބު އެޗްޑީސީ، ދިވެހި ސިފައިންގެ ކުލަބު، ޕޮލިސް ކުލަބު އަދި މުޅިން އަލަށް ވާދަކުރާ ލަޔަންސް ރެކްރިއޭޝަން ކުލަބެވެ. ފިރިހެން ޑިވިޝަނުގެ ފުރަތަމަ މެޗުގައި އޮކްޓޯބަރު 15 ވަނަ ދުވަހު ބައްދަލުކުރާނީ ދިވެހި ސިފައިންގެ ކުލަބާއި ލަޔަންސް ރެކްރިއޭޝަން ކުލަބެވެ.
މީގެ އިތުރުން އަންހެން ޑިވިޝަނުގައި މިއަހަރު ޖުމްލަ ފަސް ޓީމެއް ވާދަކުރެއެވެ. އެއީ ޕޮލިސް ކުލަބު، ކުލަބު ވެމްކޯ، ހުރާ ކޮމިއުނިޓީ ކުލަބު، ޖީޖީ ސްޕޯޓްސް، އަދި ކުލަބު އެމްޓީސީސީއެވެ. އަންހެން ޑިވިޝަނުގެ ފުރަތަމަ މެޗުގައި 17 އޮކްޓޯބަރުގެ ހަވީރު ބައްދަލުކުރާނީ ކުލަބު ވެމްކޯއާއި އެމްޓީސީސީއެވެ.
ގައުމީ ވޮލީބޯޅަ މުބާރާތުގެ ފިރިހެން ޑިވިޝަނުގެ ޝެޑިއުލް--- ޖުމްލަ 11 ޓީމާއެކު ކުރިއަށްދާ މި ލީގުން އެންމެ ގިނަ ޕޮއިންޓް ހޯދާ ގަދަ ހަތަރު ޓީމަށް ގައުމީ ވޮލީބޯޅަ މުބާރާތުން ޖާގަ ލިބިގެންދާނެއެވެ.