ސައުވީސް ގަޑިއިރަށް ހިލޭ 38 ޖީބީ ޑާޓާ ލިބޭހެން ދިރާގުގެ 38 ވަނަ އަހަރީ ދުވަހާ ގުޅުވައި ގިނަ އޮފާތަކެއް އެ ކުންފުނިން މިއަދު ތައާރަފުކޮށްފިއެވެ.
ދިރާގުން ބޭއްވި ނޫސްވެރިންގެ ބައްދަލުވުމުގައި މާކެޓިން އެންޑް ކޮމިއުނިކޭޝަންސް އެގްޒެކެޓިވް ސުހާ އަލީ ވިދާޅުވީ، އަހަރީ ދުވަހާ ގުޅިގެން އެ ކުންފުނީގެ ޕްރީޕެއިޑް އަދި ޕޯސްޓްޕެއިޑް ކަސްޓަމަރުންނަށް އެ އޮފާ އެކްޓިވޭޓު ކުރެވޭނެ ކަމަށެވެ.
މީގެއިތުރުން، އެހެނިހެން އޮފާތައް ދިނުމަށް ވެސް ދިރާގުން ވަނީ ނިންމާފައެވެ. އޭގެތެރޭގައި، ރާއްޖޭގައި އުޅޭ ބިދޭސީންނަށް ބޭރު ގައުމުތަކުގައި ތިބި އާއިލާއާއި ރަހުމަތްތެރިންނަށް ގުޅުމަށް 38 އައިޑީޑީ މިނެޓް ހިލޭ ލިބޭނެއެވެ.
ދިރާގުގެ މާކެޓިން އެންޑް ކޮމިއުނިކޭޝަންސް އެގްޒެކެޓިވް ސުހާ އަލީ މިއަދުގެ ނޫސްވެރިންގެ ބައްދަލުވުމުގައި -- ސަން ފޮޓޯ/ މުހައްމަދު ޝާތިއު އަބްދުﷲ މި އޮފާ މެދުވެރިކޮށް އިންޑިއާއާއި ނޭޕާލާއި ބަންގްލަދޭޝާއި ޕާކިސްތާނާއި އިންޑޮނޭޝިއާއަށް ގުޅާލެވޭނެ ކަމަށް ސުހާ ވިދާޅުވިއެވެ.
މި އޮފާތައް މިއަދު 18:00އާ ހަމައަށް ދިރާގުގެ ކޮންމެ ކަސްޓަމަރަކަށް ދިރާގު އެޕު މެދުވެރިކޮށް އެކްޓިވޭޓު ކުރެވޭނެއެވެ.
ސުހާ އިތުރަށް ވިދާޅުވީ، ދިރާގުގެ ހޯމް، ބްރޯޑްބޭންޑު ކަސްޓަމަރުންނަށް އަގުހުރި ފުރުސަތުތަކެއް އަހަރީ ދުވަހާ ގުޅިގެން ހުޅުވާލާފައިވާ ކަމަށެވެ. އެގޮތުން، 2021ގެ ކުރިން ރައުޓަރުތައް ދޫކޮށްފައިވާ މީހުންނަށް އެންމެ ފަހުގެ ރައުޓަރަށް މުޅިން ހިލޭ ބަދަލުކޮށްލެވޭއިރު، މިއާއެކު އިންޓަނެޓު އިތުރަށް އަވަސްވާނެއެވެ.
މި މަހުގެ ނިޔަލަށް ކުރިއަށްދާ މި އޮފާ ވެސް ދިރާގު އެޕު މެދުވެރިކޮށް އެކްޓިވޭޓު ކުރެވޭނެއެވެ.
ހަމައެހެންމެ، ދިރާގުގެ މޮބައިލް ކަސްޓަމަރުންގެ ކޯލްތައް މެނޭޖުކުރުމަށް 'އައިވް'ގެ ނަމުގައި ދިރާގުން ވަނީ، އޭއައި ޓޫލެއް ތައާރަފުކޮށްފައެވެ.
ސުހާ ވިދާޅުވީ، މި ޓޫލް މެދުވެރިކޮށް ފޯނު ނުނެގޭ އެކި ހާލަތްތަކުގައި ފޯނު ނަގައި، ގުޅާ ފަރާތްތަކާ ވާހަކަދައްކައި ކޯލުގެ ޚުލާސާ ކޮށްދޭނެ ކަމަށެވެ. އަދި، ޑިޖިޓަލް ކަލަންޑަރުގައި މުހިންމު މީޓިންތައް އައިވްއިން ޝެޑިއުލްކޮށްލެވޭނެއެވެ.
އޭނާ ފާހަގަކުރެއްވި ގޮތުގައި، މި ޓޫލް މި މަހު ދިރާގުގެ ކަސްޓަމަރުންނަށް ހިލޭ ބޭނުންކުރެވޭނެއެވެ. އެއަށް ފަހު ބޭނުންކުރުމަށް ޖެހޭނީ އެޕު މެދުވެރިކޮށް ސަބްސްކްރައިބު ކުރާށެވެ.
ދިރާގުގެ އެސިސްޓެންޓް މެނޭޖަރު، މާކޮމްސް އެންޑް ޕަބްލިކް ރިލޭޝަންގެ ޒީން މުހައްމަދު ވާހަކަދައްކަވަނީ --- ސަން ފޮޓޯ/ މުހައްމަދު ޝާތިއު އަބްދުﷲ އިތުރު ޢޮފާތައް ކިޔައިދެއްވަމުން ދިރާގުގެ އެސިސްޓެންޓް މެނޭޖަރު، މާކޮމްސް އެންޑް ޕަބްލިކް ރިލޭޝަންގެ ޒީން މުހައްމަދު ވިދާޅުވީ، އެލީޓް ކުލަބު މެދުވެރިކޮށް 38 ދުވަސް ވަންދެން ދިރާގު އެޕުން ޑިސްކައުންޓު ވައުޗާތަކެއް ލިބޭނެ ކަމަށެވެ. އެ ވައުޗާތަކުގެ ތެރޭގައި ޝޮޕިންނާއި ތަރުކާރީ މޭވާފަދަ ސާމާނާއި ރެސްޓޯރަންޓުތަކަށް ޚާއްސަ ވައުޗާތައް ހިމެނެއެވެ.
އެ ވައުޗާތައް ލިބޭ ތަން ތަން:
- ޔެލޯފިން ޑައިން
- ޗައިނާ ގާޑެން
- އޭސް ހާޑްވެއާ
- ފްލޯރާ އިން
- ކޮފީ ބީން އެންޑް ޓީ ކެފޭ
- މޫޗާ ގްރާސިއާސް
- މެލްޓްޒް ކެލަމަލް
- އީޒެޕް
- އޯވީއެސް
- އައިލެންޑް އުފާ ދަރަވަންދޫ
މި ވައުޗާތައް ދިރާގު އެޕު މެދުވެރިކޮށް ކަލެކްޓު ކޮށްލެވޭނެއެވެ. އަދި، އަންނަ ހޮނިހިރު ދުވަހު މޫ ކިޗަންއިން ވަކި އުފެއްދުންތަކަކުން 80 ޕަސެންޓާ ހަމައަށް ދިރާގުގެ ކަސްޓަމަރުންނަށް ޑިސްކައުންޓު ލިބޭނެއެވެ.