ހިތަދޫ އުތުރު ދާއިރާގެ ބައި އިލެކްޝަންގެ ވޯޓުލުން ފަށައިފި

ހިތަދޫ އުތުރު ދާއިރާގެ ބައި އިލެކްޝަންގެ ވޯޓުލުން ކުރިއަށްގެންދަނީ -- ސަން ފޮޓޯ/ އަހުމަދު ފިރިޔާލް

އައްޑޫ ސިޓީގެ ހިތަދޫ އުތުރު ދާއިރާގެ ބައި އިލެކްޝަންގެ ވޯޓުލުން މިއަދު ފަށައިފިއެވެ.

ހިތަދޫ އުތުރު ދާއިރާގެ ބައި އިލެކްޝަންގެ ވޯޓުލުން ފަށައިފައި ވަނީ 8:00ގައެވެ. އަދި ވޯޓުލުން 16:00ގެ ނިޔަލަށް ކުރިއަށްދާނެއެވެ.

މި ބައި އިލެކްޝަންގައި ވޯޓުލުމުގެ ހައްގު ލިބިފައިވާ މީހުންގެ އަދަދު 4،121އަށް އަރައެވެ. އަދި މި އިންތިޚާބުގައި ވޯޓުލުމަށް ޖުމުލަ ހަތް ވޯޓު ފޮއްޓެއް ބަހައްޓައިފައިވާއިރު އޭގެ ތެރޭގައި ހިމެނެނީ މާލޭގެ ދަރުމަވަންތަ ސްކޫލުގައި ބަހައްޓާފައިވާ ދެ ފޮއްޓާއި އައްޑޫގެ ހިތަދޫ ސްކޫލުގައި ބަހައްޓާފައިވާ ފަސް ފޮއްޓެވެ.

މި އިންތިޚާބުގައި ވާދަކުރައްވަނީ ދެ ކެންޑިޑޭޓުންނެވެ. އެއީ ވެރިކަން ކުރާ ޕީއެންސީން، ހިތަދޫ މޫލެކެޑެ ދާއިރާގެ ކުރީގެ ކައުންސިލަރު އަޙްމަދު ސަޢީދު (ސޮޑާ)އާއި، އިދިކޮޅު އެމްޑީޕީގެ ޓިކެޓުގައި ވާދަކުރައްވާ އައްޑޫގެ ކުރީގެ މޭޔަރު ޢަބްދުالله ޞާދިޤް (ސޯބެ)އެވެ.

ބައި އިލެކްޝަންގައި ވާދަކުރައްވާ އަޙްމަދު ސަޢީދު (ސޮޑާ)އާއި، ޢަބްދުالله ޞާދިޤް (ސޯބެ) ---

މި ބައި އިލެކްޝަން ބާއްވަނީ، އެ ދާއިރާގެ މެންބަރު ކަމުގައި އެންމެ ފަހުން ހުންނެވި މުހައްމަދު ސިނާނުގެ ގޮނޑި ގެއްލުމާ ގުޅިގެންނެވެ. އެއީ، އޭނާގެ މައްޗަށް ސާބިތު ދަރަންޏެއް އޮތް ކަމަށް ބުނެ، އޭނާގެ ގޮނޑި ގެއްލިފައިވާ ކަމަށް ސުޕްރީމް ކޯޓުން މިދިޔަ އޭޕްރިލް މަހު ހުކުމް ކުރުމާ ގުޅިގެންނެވެ.

މި ބައި އިލެކްޝަނަށް ޕީއެންސީން ބޭއްވި ޕްރައިމަރީގައި އަޙްމަދު ސަޢީދާ ވާދަކުރައްވައި، ޓިކެޓް ހޯއްދެވީ ސިނާނެވެ. ނަމަވެސް ފަހުން އޭނާ ވަނީ ދާއިރާގެ ރައްޔިތުންނާ ބައްދަލުކުރެއްވުމަށްފަހު، ބައި-އިލެކްޝަނަށް އެންމެ ރަނގަޅު ގޮތަކީ އޭނާ ފަހަތަށް ޖެހިވަޑައިގަތުން ކަމަށް ވިދާޅުވެ ޓިކެޓު ދޫކޮށްލައްވައިފައެވެ.

މި ބައި އިލެކްޝަނާ ސަރުކާރުން ކުރިމަތިލަނީ، މިދިޔަ އޭޕްރިލް މަހު ބޭއްވި ކައުންސިލް އިންތިޚާބާއި، މައި ދެ އިންތިޚާބު އެއްކޮށްލުމާ ގުޅޭ ގޮތުން ނެގި ޚިޔާލު ހޯދުމުގެ ވޯޓުގައި ކުރިމަތިވި ބޮޑު ނާކާމިޔާބީއަށް ފަހުގައެވެ.

ރައްޔިތުންގެ މަޖިލީހުގައި މިހާރު ޕީއެންސީގެ 74 މެންބަރުން ތިއްބަވާއިރު، އެމްޑީޕީއަށް ނިސްބަތްވެވަޑައިގަންނަވަނީ 12 މެންބަރުންނެވެ.

ހިތަދޫ އުތުރު ދާއިރާގެ ބައި އިލެކްޝަންގެ ވޯޓުލުން މިއަދު ހެނދުނު 8:00 އިން ހަވީރު 16:00 އަށް ކުރިއަށްދާނެއެވެ. މި އިންތިޚާބުގައި ޖުމުލަ 4،121 މީހުންނަށް ވޯޓުލުމުގެ ޙައްޤު ލިބިފައިވާއިރު، މާލެއާއި އައްޑޫ ސިޓީގައި ޖުމުލަ ހަތް ވޯޓު ފޮށި ވަނީ ބަހައްޓައިފައެވެ. މި އިންތިޚާބުގައި ވާދަކުރައްވަނީ ސަރުކާރު ހިންގާ ޕީއެންސީގެ ކެންޑިޑޭޓް އަޙްމަދު ސަޢީދު އަދި އިދިކޮޅު އެމްޑީޕީގެ ކެންޑިޑޭޓް ޢަބްދުالله ޞާދިޤެވެ. މިއީ ސާބިތު ދަރަންޏެއްގެ މައްސަލައިގައި ސުޕްރީމް ކޯޓުން ކުރީގެ މެންބަރު މުޙައްމަދު ސިނާނުގެ ގޮނޑި ގެއްލިފައިވާކަމަށް ކަނޑައެޅުމާ ގުޅިގެން ބާއްވާ އިންތިޚާބެކެވެ.

  • ވޯޓުލުން ކުރިއަށްދާނީ ހެނދުނު 8:00 އިން ހަވީރު 16:00 ގެ ނިޔަލަށެވެ.
  • ވޯޓުލުމުގެ ޙައްޤު ލިބިފައިވާ މީހުންގެ ޖުމުލަ އަދަދަކީ 4،121 އެވެ.
  • ވޯޓުލުމަށް ޖުމުލަ 7 ފޮށި (މާލޭގައި 2، އައްޑޫގައި 5) ވަނީ ބަހައްޓައިފައެވެ.
  • ގޮނޑިއަށް ވާދަކުރައްވަނީ ޕީއެންސީގެ އަޙްމަދު ސަޢީދު އަދި އެމްޑީޕީގެ ޢަބްދުالله ޞާދިޤެވެ.
  • ބައި އިލެކްޝަން ބާއްވަނީ ކުރީގެ މެންބަރުގެ މައްޗަށް ސާބިތު ދަރަންޏެއް އޮތްކަމަށް ކޯޓުން ހުކުމްކުރުމުންނެވެ.
  • ހުސްވެފައިވާ މަޖިލިސް ގޮނޑިއަށް މެންބަރަކު އިންތިޚާބުކުރުމުގެ އިންތިޒާމުތައް ވަނީ މާލެއާއި އައްޑޫގައި ފުރިހަމަކުރެވިފައެވެ.
  • ވެރިކަންކުރާ ޕާޓީއާއި އިދިކޮޅު މައި ޕާޓީގެ މެދުގައި މި އިންތިޚާބުގައި ވަރުގަދަ ވާދަވެރިކަމެއް އޮތްކަން ފާހަގަކުރެވެއެވެ.
  • މިއީ މަޖިލީހުގެ ސާފު އަޣުލަބިއްޔަތު އޮތް ޕީއެންސީއަށާއި އިދިކޮޅު އެމްޑީޕީއަށް ވެސް ސިޔާސީ ގޮތުން މުހިންމު އިންތިޚާބެކެވެ.
comment ކޮމެންޓް