ދިރާގު ގޭމާސް ގިލްޑް (ޑީޖީޖީ) އިން ދިވެހިރާއްޖޭގެ ގޭމިންގ ކޮމިއުނިޓީއަށް އަމާޒުކޮށްގެން ހިންގި ޚާއްޞަ ޕްރޮމޯޝަނުގެ ދަށުން ހުށަހެޅި އަގުހުރި އިނާމު ކަމަށްވާ އައިފޯން ޕްރޯ މެކްސްގެ ނަސީބުވެރިޔާ މިހާރު ވަނީ ހޮވާފައެވެ. މި އަގުހުރި އިނާމު ލިބޭ ނަސީބުވެރިއަކަށް ގުރުއަތުން ހޮވިފައިވަނީ މުޙައްމަދު ނާހިލް ނަޞްރެވެ. މި ގިވްއަވޭގައި ބައިވެރިވުމުގެ ފުރުޞަތު ހުޅުވާލާފައިވަނީ ޑީޖީޖީ ޑޮޓް އެމްވީ މެދުވެރިކޮށް ސައިން-އަޕްކުރި ފަރާތްތަކަށެވެ. މިއީ ދިވެހިރާއްޖޭގައި އީ-ސްޕޯޓްސް އަދި ގޭމް ކުޅޭ ފަރާތްތަކަށް ހިތްވަރުދީ، އެ ފަރާތްތަކުގެ ހުނަރު ކުރިއެރުވުމަށް ދިރާގުން ކުރަމުންދާ ގިނަގުނަ މަސައްކަތްތަކުގެ ތެރެއިން ބައެކެވެ.
- ދިރާގު ގޭމާސް ގިލްޑުން ދިން އައިފޯން ޕްރޯ މެކްސްގެ ނަސީބުވެރިއަކަށް މުޙައްމަދު ނާހިލް ނަޞްރު ހޮވުން.
- ނަސީބުވެރިޔާ ހޮވާފައިވަނީ ވެބްސައިޓަށް ސައިން-އަޕްކުރި ފަރާތްތަކުގެ މެދުގައި ނެގުނު ގުރުއަތަކުންކަން.
- މި ޕްރޮމޯޝަނަކީ ނިމިދިޔަ އަހަރުގެ ޑިސެމްބަރު މަހު އިޢުލާނުކުރި ޚާއްޞަ ހަރަކާތެއްކަން.
- ޑީޖީޖީގެ އަމާޒަކީ ރާއްޖޭގެ ގޭމިންގ ކޮމިއުނިޓީއަށް އިތުރު ފުރުޞަތުތަކާއި އަގުހުރި އިނާމުތައް ހޯދައިދިނުންކަން.
- ވާދަވެރި މުބާރާތްތައް މެދުވެރިކޮށް ދިވެހި ގޭމަރުންގެ ހުނަރު އިތުރުކުރުމަށް ދިރާގުން ދަނީ އެހީތެރިވަމުންކަން.
ދިރާގު ގޭމާސް ގިލްޑް (ޑީޖީޖީ) އިން ކުރިއަށް ގެންދިޔަ ޕްރޮމޯޝަންގައި ހުށަހަޅާފައިވާ އައިފޯން 15 ޕްރޯ މެކްސްގެ ނަސީބުވެރި ފަރާތް ހޮވައިފިއެވެ.
މި އިނާމު ލިބޭ ނަސީބުވެރިއަކަށް ހޮވިފައިވަނީ މުޙައްމަދު ނާހިލް ނަޞްރެވެ. ދިރާގުން ބުނި ގޮތުގައި، މި އިނާމުގެ ނަސީބުވެރިޔާ ހޮވާފައިވަނީ dgg.mv އަށް ސައިން-އަޕްކޮށްގެން އެ ގިވްއަވޭގައި ބައިވެރިވި ފަރާތްތަކުގެ މެދުގައި ނެގި ގުރުއަތަކުންނެވެ.
ޑީޖީޖީއަށް ހަމައެކަނި ސައިން-އަޕްކޮށްލައިގެން ބައިވެރިވެވޭ ގޮތަށް ހުޅުވާލި މި ގިވްއަވޭ ދިރާގުން އިޢުލާނުކުރީ ނިމިދިޔަ އަހަރުގެ ޑިސެމްބަރު މަހުގައެވެ.
ޑީޖީޖީން ދަނީ ރާއްޖޭގެ ގޭމިން ކޮމިއުނިޓީއަށް އިތުރު ފުރުސަތުތަކާއި ޚާއްސަ އިނާމުތައް ހޯދައިދިނުމަށް ގިނަ މަސައްކަތްތަކެއް ކުރަމުންނެވެ.
އެގޮތުން، ވާދަވެރި މުބާރާތްތައް އަގުހުރި އިނާމުތަކާއެކު ބާއްވައި، ރާއްޖޭގެ ގޭމް ކުޅުންތެރިންގެ ހުނަރުތައް އިތުރުކުރުމަށް އެހީތެރިވެދީ، ހުނަރު ދައްކާލުމަށް އިތުރު ޕްލެޓްފޯމްތައް އެ ފަރާތުން ދަނީ ފަހިކޮށްދެމުންނެވެ.
