މާލެ ހުޅުމާލެ ގުޅުވައިދޭ ހައިވޭގައި ހިނގި އެކްސިޑެންޓް މައްސަލައަކާ ގުޅިގެން ފުލުހުން ކުރަމުންދާ ތަހުގީގަށް، ދެ މީހަކު ހޯދުމަށް ފުލުހުން އިއުލާންކޮށްފިއެވެ.
ފުލުހުން ވަނީ ހައިވޭ މަތީގައި ހިނގާފައިވާ އެކްސިޑެންޓެއްގެ ވީޑިއޯ ފޫޓޭޖް އާންމުކޮށްފައެވެ.
ފުލުހުން ބުނީ އެ ވީޑިއޯއިން ފެންނަ މީހުންނަކީ ހެންވޭރު ޕޮލިހުން ތަހުގީގުކުރަމުންދާ، އެކްސިޑެންޓްގެ މައްސަލައާ ގުޅިގެން ހޯދަން ބޭނުންވެ، ކޮން ބައެއްކަން ދެނެނުގަނެވޭތީ ހޯދިފައިނުވާ މީހުން ކަމަށެވެ.
ނަމަވެސް، މި އެެކްސިޑެންޓަކީ ތަހުގީގު ކުރަމުންދާ މައްސަލައަކަށްވުމުން އެ އެކްސިޑެންޓާއި ގުޅޭ އިތުރު މަައުލާމާތެއް ފުލުހުން އަދި ހިއްސާކޮށްފައެއް ނުވެއެވެ.
ވީޑިއޯއިން ފެންނަ މީހުންނާ ބެހޭ އެއްވެސް މަޢުލޫމާތެއް ލިބިފައިވާ ފަރާތެއްވާނަމަ އެ މަޢުލޫމާތެއް ހެންވޭރު ޕޮލިހުގެ ނަންބަރު 9400053 އަށް ގުޅައި ހިއްސާކުރުމަށް ފުލުހުން ވަނީ އެދިފައެވެ.
މަދުން ނަމަވެސް މިގޮތަށް އެކްސިޑެންޓް ވުމުން ފުލުހުންނަށް ރިޕޯޓް ނުކޮށް ފިލައި މައްސަލަ ފެންމަތިވެއެެވެ.
މިފަހުން ހުޅުމާލެ ފޭސް ދޭއްގައި ނުރައްކާތެރިކޮށް ދުއްވައިފައި ދިޔަ ކާރެއް ކޮންޓްރޯލު ނުވެ ސައިކަލެއްގައިހުރި މީހެއްގެ ގައިގައި ޖެހުނު ނުރައްކާތެރި އެކްސިޑެންޓުގައި، ކާރު ދުއްވަން ތިބި މީހުން ފިލިއެވެ.
ނަމަވެސް ފަހުން އެ މީހުންވަނީ ހޯދާފައެވެ.