ބާވީސް މީހުންނާއެކު ނޭޕާލްގެ މަޝްހޫރު މަންޒިލަކަށް ދަތުރުކުރަމުން ދިޔަ ކުޑަ މަތިންދާބޯޓެއް މިއަދު ވެއްޓިއްޖެއެވެ.
ނޭޕާލްގެ ޓާރާ އެއާލައިންސްގެ އެ ބޯޓު ދަތުރު ފެށީ ހެނދުނު 9:50ގައި ކަތަމަންޑޫއާ 200 ކިލޯމީޓަރު ދުރުގައި އޮންނަ ޕޮކާރާއިންނެވެ. އެ ބޯޓު ނައްޓާލިތާ ކުޑަ އިިރުކޮޅެއްގެ ތެރޭގައި އެއާޕޯޓާ ގުޅުން ކެނޑުނު ކަމަށް ރިޕޯޓުތައް ބުނެއެވެ.
ނަވާރަ ފަތުރުވެރިންނާއި ތިން ފަޅުވެރިން ދަތުރުކުރަމުންދިޔަ އެ ބޯޓު ވެއްޓުނީ ލެޓޭ ހިލް ސަރަހައްދަށެވެ.
މިއަދުގެ ވަގުތެއްގައި ވެއްޓިފައިވާ އެ ބޯޓުގައި އިންޑިއާގެ ހަތަރު މީހަކާއި ޖަރުމަނުގެ ދެ މީހުންގެ އިތުރުން ނޭޕާލްގެ 13 މީހުން ތިބި ކަމަށް ނޭޕާލްގައި ހުންނަ އިންޑިއާގެ އެމްބަސީން ކޮށްފައިވާ ޓުވީޓެއްގައިވެއެވެ.
Tara Air flight 9NAET that took off from Pokhara at 9.55 AM today with 22 people onboard, including 4 Indians, has gone missing. Search and rescue operation is on. The embassy is in touch with their family.
— IndiaInNepal (@IndiaInNepal) May 29, 2022
Our emergency hotline number :+977-9851107021. https://t.co/2aVhUrB82b
އެ އެމްބަސީން ބުނީ ވެއްޓުނު ބޯޓުގައި ތިބި މީހުން ހޯދުމާއި ސަލާމަތް ކުރުމުގެ އޮޕަރޭޝަންތައް ކުރިއަށްދާ ކަމަށާއި، ބޯޓުގައި ތިބި އިންޑިއާގެ ފަސިންޖަރުންގެ އާއިލާތަކާ ވެސް ގުޅަމުން ދާކަމަށެވެ.