ރާއްޖޭގައި ހުރި އިންވެސްޓްމަންޓް ފުރުސަތުތައް ބޭރުގެ ފަރާތްތަކަށް އަންގައިދީ އިންވެސްޓްމަންޓްގެ ފުރުސަތުތައް އިތުރުކުރުމަށް ޓަކައި ރާއްޖެ އިން ބާއްވަމުން އަންނަ އިންވެސްޓްމަންޓް ފޯރަމް މިއަދު ދުބާއީގައި ފައްޓައިފި އެވެ.
ޖުމްލަ 350 މީހުން ނާ އެކު ފެށި އެ ފޯރަމް ކުރިއަށްގެންދަން ހަމަޖެހިފައި ވަނީ ދެ ގައުމުގެ ވަޒީރުން ބައިވެރިވެވަޑައިގެން ބާއްވާ އިފްތިތާހީ ސެޝަނާއި ދިވެހި ކުންފުނިތަކާއި ބޭރުގެ ކުންފުނިތަކާއި މަޝްވަރާކޮށް މާކެޓް ކުރުމަށް ބާއްވާ ސެޝަނުގެ އިތުރުން ގާލާ ޑިނާއެއް ހިމެނޭ ގޮތަށް ކަމަށް އިކޮނަމިކް މިނިސްޓްރީ އިން ބުންޏެވެ.
އިކޮނޮމިކް މިނިސްޓްރީން ބުނީ މި ފޯރަމްގައި ހުޅުމާލޭގެ ޔޫތު ސިޓީގައި ހުރި އިންވެސްޓްމެންޓް ފުރުސަތުތަކާއި ރީޖަނަލް އެއާޕޯޓްތައް ތަރައްގީ ކުރުމަށް ހުރި ފުރުސަތުތަކާއި އިންވެސްޓްމަންޓް ބޭންކުތަކަށް ހުރި ފުރުސަތުތަކާ ބެހޭ ގޮތުން މައުލޫމާތު ދޭނެ ކަމަށެވެ.
މީގެ ކުރިން ވަނީ ތިން އިންވެސްޓްމެންޓް ފޯރަމެއް ބާއްވައިފަ އެވެ. އެއީ، މިިދިޔަ އަހަރު އިންޑިއާގައި ބޭއްވި ފޯރަމާއި 2015 ވަނަ އަހަރު ޗައިނާގައި ބޭއްވި ފޯރަމާއި 2014ގައި ސިންގަޕޫރުގައި ބޭއްވި ފޯރަމެވެ.