ކާބޯތަކެތި އުފައްދާ ތައްޔާރުކުރާ ފަރާތްތަކަށް ކާބޯތަކެއްޗާއި ބޭހާ ބެހޭ އިދާރާ އެމްއެފްޑީއޭއިން ތިން ދުވަހުގެ ތަމްރީނު ޕްރޮގުރާމެއް ބާއްވައިފިއެވެ.
"އުފަކާރަ"އިގެ ނަމުގައި ކާބޯތަކެތީގެ ރައްކާތެރިކަމުގެ އަސާސީ ތަމްރީނު ޕްރޮގުރާމެއް އެމްއެފްޑީއޭއިން އެންމެ ފުރަތަމަ ހިންގީ ލ. ގަމުގައެވެ. އެގޮތުން މިދިޔަ އޮގަސްޓު މަހުގެ 28ވަނަ ދުވަހާއި 29ވަނަ ދުވަހު ހިންގި އެ ޕްރޮގުރާމު ގަމުގައި 29 އަންހެނަކު އަންހެނަކު ވަނީ ފުރިހަމަކޮށްފައެވެ.
އެއަށްފަހު މިދިޔަ ބުރާސްފަތި ދުވަހުގެ ނިޔަލަށް އެމްއެފްޑީއޭއިން ވަނީ މާލޭގައި ވެސް "އުފަކާރަ" ޕްރޮގުރާމު ކުރިއަށް ގެންގޮސްފައެވެ.
https://x.com/MFDA_mv/status/2108935330082759108
އެމްއެފްޑީއޭއިން ބުނީ މާލޭގައި ބޭއްވި ތަމްރީނު ޕްރޮގުރާމު 34 ބައިވެރިއަކު ފުރިހަމަކުރި ކަމަށެވެ.
ފާހަގަކުރެވޭ ގޮތުގައި ކާބޯތަކެތީގެ ރައްކާތެރިކަން ކަށަވަރުކުރުމަށް ގަވައިދުތައް އެކުލަވައިލުމާއި ކާބޯތަކެތީގެ ރައްކާތެރިކަން މޮނިޓާކޮށް، ޓެސްޓުކުރުމަށް ބޭނުންވާ ފަންނީ ގާބިލުކަން އިތުރުކުރުމުގެ މަސައްކަތްތައް ކުރަމުން އަންނަ ކަމަށް ރައީސް ޑރ. މުޙައްމަދު މުޢިއްޒު ވަނީ މީގެ ކުރިން ވެސް ވިދާޅުވެފައެވެ.
ކާބޯތަކެތި ބޭނުންކުރާ ފަރާތްތަކުން ވެސް އެތަކެތީގެ ރައްކާތެރިކަމުގެ މައުލޫމާތު ހޯދައި، ގޭގޭގައި ކާބޯތަކެތި ގެންގުޅުމުގައި ރައްކާތެރި ގޮތްތައް އިސްކުރުމަށް ވެސް ރައީސް ވަނީ އެދިވަޑައިގެންފައެވެ.
ކާބޯތަކެތީގެ ރައްކައުތެރިކަމަށް އޮންނަ އިތުބާރު ކުޑަވާ ފަދަ ކަންކަން ރާއްޖޭގައި ދޭތެރެއަކުން ކުރެއެވެ. އެގޮތުން ސާފުތާހިރު ނޫން ތަންތަނުގައި ކާބޯތަކެތި ހަދައިގެން ވިއްކާ މައްސަލަތައް ދޭތެރެއަކުން ފެންމަތިވެއެވެ.