މިދިޔަ މަހު ޒަކާތުގެ އެހީގެ ގޮތުގައި 5.17 މިލިއަން ރުފިޔާ ދޫކޮށްފައިވާކަން ޒަކާތު ހައުސްއިން މިއަދު އާންމުކޮށްފައިވާ ތަފާސްހިސާބުތަކުން ދައްކައިފިއެވެ.
ޒަކާތު ހައުސްއިން އާންމުކޮށްފައިވާ ތަފާސްހިސާބުތަކުން ދައްކާގޮތުން، ޒަކާތުގެ އެހީގެ ގޮތުގައި ޖުމުލަ 5,170,675.91 ވަނީ ދޫކޮށްފިއެވެ. އެއީ މިދިޔަ 2025 ވަަނަ އަހަރުގެ އޮގަސްޓު މަހު ބެހި 4,615,944.84 ރުފިޔާއާ އަޅާ ބަލާއިރު 12 އިންސައްތައިގެ އިތުރު އަދަދެއްކަން އެ އޮފީހުން ވަނީ ހާމަކޮށްފައެވެ.
ތަފާސްހިސާބުތައް ދައްކާގޮތުން އޮގަސްޓު މަހު އެންމެ ބޮޑު ބައެއް ހޭދަކޮށްފައި ވަނީ ފަގީރުންނާއި މިސްކީނުންގެ ބަޔަށެވެ. އެއީ 2,358,675.66 ރުފިޔާއެވެ. އޭގެ ތެރޭގައި ބޭސްފަރުވާގެ އެހީގެ ގޮތުގައި ދޫކުރި 2,316,175.66 ރުފިޔާއާއި ޒަރޫރީ ބޭނުންތަކަށް ދޫކުރި 42,500 ރުފިޔާ ހިމެނެއެވެ.
ޒަކާތު ހައުސްއިން އާންމުކޮށްފައިވާ ތަފާސްހިސާބުތައް --- ފޮޓޯ: ޒަކާތުހައުސް ނިމުނު މަހު ދެން އެންމެ ބޮޑު ހޭދައެއް ކޮށްފައިވަނީ ފީސަބީލިﷲގެ ބަޔަށެވެ. އެއީ 2,544,823.64 ރުފިޔާއެވެ.
އޭގެ ތެރޭގައި ދީނީ ޕްރޮގްރާމްތައް ހިންގުމަށް 1,047,219.50 ރުފިޔާ ހޭދަކޮށްފައިވާއިރު، މަތީ ތައުލީމު ފުރިހަމަކުރުމަށް އެހީގެ ގޮތުގައި 797,604.14 ރުފިޔާ ދީފައިވެއެވެ. އަދި ފޮތްތައް ތަރުޖަމާކުރުމަށް 579,585.40 ރުފިޔާގެ އިތުރުން ހިފްޒު ޕްރޮގްރާމްތަކާއި ކީރިތި ގުރްއާނުގެ އިލްމު ފެތުރުމަށް 120,414.60 ރުފިޔާ ވަނީ ދޫކޮށްފައެވެ.
ޒަކާތު ހައުސްއިން އާންމުކޮށްފައިވާ ތަފާސްހިސާބުތައް --- ފޮޓޯ: ޒަކާތުހައުސްމީގެ އިތުރުން ތަފާސްހިސާބުތަކުން ދައްކާ ގޮތުގައި، ދަރަނިވެރިންނަށް އެހީވުމުގެ ބައިން 60,061 ރުފިޔާ ދޫކޮށްފައިވާ އިރު، ހާލުގައި ޖެހިފައިވާ ދަތުރުވެރިންގެ ބައިން 19,834.02 ރުފިޔާ ވަނީ ދޫކޮށްފައެވެ.
މި އަހަރުގެ އޮގްސްޓު މަހުގެ ތެރޭގައި ޒަކާތު ފަންޑަށް ލިބުނު އާމްދަނީގެ ގޮތުގައި 7,353,416.98 ރުފިޔާ ރެކޯޑު ކުރެވިފައިވާކަން ވެސް ތަފާސްހިސާބުތަކުން ވަނީ ދައްކާފައެވެ.