ޅ. ނައިފަރުން ގެއްލުނު ކަމަށް އިއްޔެ ރިޕޯޓުކުރި 17 އަހަރުގެ ފިރިހެން ކުއްޖާ ދެ ދުވަސް ފަހުން އެ ރަށުގެ ގެއެއްގެ ތެރޭ ހުއްޓައި ފެނިއްޖެއެވެ.
އުމުރުން 17 އަހަރުގެ މުޙައްމަދު އަޙްޔާން ޙުސައިން ވީނުވީއެއް ނޭނގި ގެއްލިގެން ފުލުހުންނަށް ރިޕޯޓުކުރީ އިއްޔެއެވެ. ފުލުހުން މިއަދު ހަވީރު ބުނީ އޭނާ ގެއްލިގެން ނައިފަރު ފުލުހުންނަށް ރިޕޯޓުކުރީ އިއްޔެ ހަވީރު 5:30 ހާއިރު ކަމަށެވެ.
އަޙްޔާން އެންމެ ފަހުން ފެނުނީ އާދީއްތަ ދުވަހު ކަމަށާއި އޭގެ ފަހުން ޚަބަރެއް ނުވެގެން އޭނާގެ ފޯނަށް ޖަވާބެއް ނުދޭތީ އާއިލާއިން އޭނާ ހޯދުމަށް ކުރި މަސައްކަތުން ފެނިފައިނުވާ ކަމަށް، އަޙްޔާންގެ އާއިލާއާ ހަވާލާދީ ފުލުހުން ބުނެފައިވެއެވެ.
ފުލުހުން މިރޭ ބުނީ، އަޙްޔާން ފެނުނީ ނައިފަރުގެ ގެއެއްގެ ތެރޭ ހުއްޓައި ކަމަށެވެ.
އޭނާގެ ހާލު ރަނގަޅު ކަމަށް ވެސް ފުލުހުން ބުންޏެވެ.