ދައުލަތުން މުސާރައަށް ކުރި ޚަރަދަށް 470 މިލިއަން ރުފިޔާ އިތުރުވެއްޖެ

ރައީސް މުއިއްޒު: ދައުލަތުން މުސާރައަށް ކުރި ޚަރަދަށް ވަނީ 450 މިލިއަން ރުފިޔާ އިތުރުވެފައި --- ފޮޓޯ/ ރައީސް އޮފީސް

ސަރުކާރު މުވައްޒަފުންގެ މުސާރައާއި އިނާޔަތްތަކާއި ޕެންޝަނަށް މިދިޔަ މަހުގެ 14ގެ ނިޔަލަށް ކުރި ޚަރަދު، މިދިޔަ އަހަރުގެ އެ މުއްދަތަށް ވުރެ 470 މިލިއަން ރުފިޔާ އިތުރުވެއްޖެއެވެ.

ފިނޭންސް މިނިސްޓްރީން އެންމެ ފަހުން އާންމުކުރި ތަފާސްހިސާބުތަކުން ދައްކާ ގޮތުގައި، މިދިޔަ މަހުގެ 14ގެ ނިޔަލަށް ސަރުކާރު މުވައްޒަފުންގެ މުސާރައާއި އިނާޔަތްތަކަށް 5.31 ބިލިއަން ރުފިޔާ ހޭދަކޮށްފައިވެއެވެ. ނަމަވެސް މިދިޔަ އަހަރުގެ މި މުއްދަތުގައި ހޭދަކުރީ 4.84 ބިލިއަން ރުފިޔާއެވެ.

އެހެންކަމުން މިދިޔަ އަހަރާ އަޅައިބަލާއިރު ސަރުކާރުން ވަނީ މުވައްޒަފުންގެ މުސާރައާއި އިނާޔަތްތަކަށް 470 މިލިއަން ރުފިޔާ އިތުރަށް ޚަރަދުކޮށްފައެވެ.

https://sun.mv/221834

ދައުލަތުގެ މުސާރަތައް އެއްހަމަކުރުމުގެ ސިޔާސަތުގެ ދަށުން، ސަރުކާރުން ތަޢާރަފުކުރި އާ ޕޭ ފްރޭމްވާކަށް މިހާތަނަށް ދައުލަތުގެ 93 އިންސައްތަ މުއައްސަސާ ވަނީ ބަދަލުކުރެވިފައެވެ. ނަމަވެސް އެ މަސައްކަތުގެ ތެރެއިން ލީގަލް މުވައްޒަފުންނާއި، އެޗްއާރް މުވައްޒަފުންގެ އިތުރުން ކައުންސިލްތަކުގެ މުވައްޒަފުންގެ މުސާރަ ކުޑަވި މައްސަލަ ފެންމަތިވިއެވެ.

މިދިޔަ މަހު ރައީސް ޑރ. މުޙައްމަދު މުޢިއްޒު ވަނީ މުސާރަ ހާމަނައިޒްކުރުމުގެ މަރުހަލާގައި މުސާރަ ކުޑަވި މުވައްޒަފުންގެ މައްސަލައަށް އަލިއަޅުއްވާލައްވައި، މި މަހުގެ މުސާރައާއެކު އެ މައްސަލަ ހައްލުވެ، މުސާރަ ބޮޑުވާނެ ކަމަށް ވިދާޅުވެފައެވެ.

އެ މައްސަލައާ ގުޅޭ ގޮތުން ރައީސް ވިދާޅުވީ، އެ ފަދަ ހުރިހާ ކަންބޮޑުވުންތަކެއް ދެނެގަނެވި، މި މަހު މުސާރަ ލިބޭއިރު އެ މައްސަލަތައް ހައްލުކުރެވިފައިވާނެ ކަމަށެވެ.

ރާއްޖޭގެ ދަރަނި އަހަރުން އަހަރަށް ބޮޑުވަމުން އަންނައިރު، ދައުލަތުގެ ޚަރަދުތައް ކުޑަކުރުމަށް ބޭރުގެ މާލީ އިދާރާތަކުން ބާރު އަޅަމުން އަންނަތާ އަހަރުތަކެއް ވަނީ ވެފައެވެ.

ހަތަރު ލައްކައެއްހާ މީހުންގެ އާބާދީއެއް އޮންނަ ރާއްޖޭގައި ސިވިލް ސާވިސްގައި މިވަގުތު 35،000އަށް ވުރެ ގިނަ މުވައްޒަފުން ތިބިއިރު ސަރުކާރު ހިއްސާވާ ކުންފުނިތަކުގައި ވެސް ގާތްގަނޑަކަށް 38،000 މުވައްޒަފުން ތިބެއެވެ. މީގެ އިތުރުން މި ސަރުކާރުން އެތައް ހާސް ސިޔާސީ މުވައްޒަފުން ތިބި ކަމަށް ބެލެވޭއިރު، ސަަރުކާރުން އަންނަނީ މުވައްޒަފުން މަދުކުރާނެ ކަމަށް ބުނަމުންނެވެ.

ފިނޭންސް މިނިސްޓްރީގެ ތަފާސްހިސާބުތަކުން ދައްކާ ގޮތުގައި، މިދިޔަ މަހުގެ 14 ވަނަ ދުވަހުގެ ނިޔަލަށް ސަރުކާރު މުވައްޒަފުންގެ މުސާރައާއި އިނާޔަތްތަކަށް 5.31 ބިލިއަން ރުފިޔާ ވަނީ ޚަރަދުކޮށްފައެވެ. މިއީ އޭގެ ކުރީ އަހަރުގެ މި މުއްދަތުގައި ޚަރަދުކުރި 4.84 ބިލިއަން ރުފިޔާއާ އަޅާބަލާއިރު 470 މިލިއަން ރުފިޔާގެ ބޮޑު އިތުރުވުމެކެވެ. މުސާރަތައް އެއްހަމަކުރުމުގެ ސިޔާސަތުގެ ދަށުން ދައުލަތުގެ 93 އިންސައްތަ މުއައްސަސާ އާ ޕޭ ފްރޭމްވާކަށް ބަދަލުކުރެވިފައިވާއިރު، މި ބަދަލާއެކު ދައުލަތުގެ ބަޖެޓަށް ބޮޑު ބުރައެއް ވަނީ އުފުލަންޖެހިފައެވެ.

  • ދައުލަތުގެ މުސާރައިގެ އޮނިގަނޑަށް ގެނެވުނު ބަދަލުތަކާއެކު، ލީގަލް، އެޗްއާރް، އަދި ކައުންސިލްތަކުގެ މުވައްޒަފުންގެ މުސާރަ ކުޑަވިކަމުގެ ޝަކުވާތައް ވަނީ ފެންމަތިވެފައެވެ. މި މައްސަލަތައް ހައްލުކޮށް، މުސާރަތައް ރަނގަޅުކޮށްދެއްވާނެ ކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވަނީ ދެއްވާފައެވެ.
  • ރާއްޖޭގެ ދަރަނި އަހަރުން އަހަރަށް އިތުރުވަމުންދާތީ، ދައުލަތުގެ އާންމު ޚަރަދުތައް ކުޑަކުރުމަށް ބައިނަލްއަޤްވާމީ މާލީ އިދާރާތަކުން ދަނީ ސަރުކާރަށް ވަރަށް ބޮޑަށް ބާރުއަޅަމުންނެވެ.
  • މިހާރުގެ ތަފާސްހިސާބުތަކަށް ބަލާއިރު، ސިވިލް ސާވިސްގައި 35،000 އަށްވުރެ ގިނަ މުވައްޒަފުން މަސައްކަތްކުރަމުންދެއެވެ. އަދި ސަރުކާރު ހިއްސާވާ ކުންފުނިތަކުގައި 38،000 މުވައްޒަފުން ތިބިއިރު، މިއީ އާބާދީގެ ނިސްބަތުން ބޮޑު އަދަދެކެވެ.
  • ސަރުކާރުގެ ތެރޭގައި ސިޔާސީ މަޤާމުތަކުގައި ގިނަ އަދަދެއްގެ ބަޔަކު ތިބިކަމުގެ ކަންބޮޑުވުން އޮތް ނަމަވެސް، ކުރިއަށް އޮތް ތަނުގައި މުވައްޒަފުންގެ އަދަދު މަދުކޮށް، ޚަރަދު ކުޑަކުރުމުގެ ފިޔަވަޅުތައް އަޅާނެކަމަށް ސަރުކާރުން ވަނީ ހާމަކޮށްފައެވެ.
  • ދައުލަތުގެ މުސާރައިގެ ޚަރަދު 5.31 ބިލިއަން ރުފިޔާއަށް އިތުރުވުން.
  • އާ ޕޭ ފްރޭމްވާކްގެ ދަށުން މުސާރަ ކުޑަވި ފަރާތްތަކަށް ހައްލު ހޯދައިދިނުން.
  • ދައުލަތުގެ ޚަރަދު ކުޑަކުރުމަށް މާލީ އިދާރާތަކުން ބާރުއެޅުން.
  • ދައުލަތުގެ އެކި މުއައްސަސާތަކުގައި 73،000 އަށްވުރެ ގިނަ މުވައްޒަފުން ތިބުން.
comment ކޮމެންޓް