ކުޅުދުއްފުށީގައި ރުކަކުން ވެއްޓި އަނިޔާވި މީހާ މަރުވެއްޖެ

ކުޅުދުއްފުށީގައި ރުކަކުން ވެއްޓި ފަރުވާ ދެމުން ދަނިކޮށް މަރުވި މީހާ: އޭނާގެ ޖަނާޒާ މިއަދު ވަނީ ބާއްވާފައި --- ފޮޓޯ/ ކުޅުދުއްފުށީ އޮންލައިން

މި މަހުގެ 16 ވަނަ ދުވަހު ހދ. ކުޅުދުއްފުށީގައި ރުކަކުން ވެއްޓި ބޮޑެތި އަނިޔާތަކެއް ލިބުނު ހދ. ނޭކުރެންދުއަށް ނިސްބަތްވާ އުމުރުން 36 އަހަރުގެ ހުސައިން ޝިފާޒް މަރުވެއްޖެއެވެ. އޭނާއަށް ފުރަތަމަ ކުޅުދުއްފުށީ ރީޖަނަލް ހޮސްޕިޓަލުގައި ފަރުވާދިނުމަށްފަހު، އިތުރު ފަރުވާއަށް މާލެ ގެނެސް އައިޖީއެމްއެޗްގައި ވެންޓިލޭޓަރުގައި ފަރުވާދެމުން ދަނިކޮށް މަރުވީ މިއަދުއެވެ. މައުލޫމާތު ލިބިފައިވާ ގޮތުގައި އޭނާ ވެއްޓުނީ މަސައްކަތުގެ ތެރެއިން ކުޑަ ވަގުތުކޮޅަކަށް މަޑުކޮށްލުމަށްފަހު އަލުން ރުކަށް އެރި ވަގުތުގައެވެ.

  • ހދ. ކުޅުދުއްފުށީގައި ރުކަކުން ވެއްޓި އަނިޔާވީ ހދ. ނޭކުރެންދޫގެ ހުސައިން ޝިފާޒް.
  • އޭނާގެ އުމުރަކީ 36 އަހަރު.
  • އޭނާ މަރުވީ އައިޖީއެމްއެޗްގެ ވެންޓިލޭޓަރުގައި ފަރުވާދެމުން ދަނިކޮށް.
  • މި ހާދިސާ ހިނގީ މަސައްކަތުގެ ތެރެއިން ކުޑަ ބްރޭކެއް ނެގުމަށްފަހު އަލުން ރުކަށް އެރި ވަގުތު.

މި މަހު 16ގައި ހދ. ކުޅުދުއްފުށީގައި ރުކަކުން ވެއްޓި އަނިޔާވި މީހަކު މިއަދު މަރުވެއްޖެއެވެ.

އެއީ، ހދ. ނޭކުރެންދުއަށް ނިސްބަތްވާ 36 އަހަރުގެ ހުސައިން ޝިފާޒެވެ.

އޭނާއަށް އެންމެ ފުރަތަމަ ފަރުވާ ދިނީ، ކުޅުދުއްފުށީ ރީޖަނަލް ހޮސްޕިޓަލުގައެވެ. އޭގެފަހުން، އިތުރު ފަރުވާއަށް މި މަހު 19 ވަނަ ދުވަހުގެ ރޭ ދަންވަރު މާލެ ގެނެސް އައިޖީއެމްއެޗުގައި ފަރުވާ ދިނެވެ. އޭނާ މަރުވީ، އެ ހޮސްޕިޓަލުގެ ވެންޓިލޭޓަރުގައި ފަރުވާ ދެމުން ދަނިކޮށް މިއަދެވެ.

https://sun.mv/220841

އޭނާގެ ކަށުނަމާދު މިއަދުގެ އަސުރު ނަމާދަށް ފަހު، އާސަހަރާގައި ވަނީ ބާއްވާފައެވެ.

މި ހާދިސާއާ ގުޅޭގޮތުން ކުރިން، ކުޅުދުއްފުށީ ހުޅަނގު އުތުރު ކައުންސިލަރު އަޙްމަދު ޢަބްދުﷲ ވިދާޅުވީ، ރުކުން ވެއްޓުނު މީހާއަކީ އެ ދުވަހުވެސް ރުކަށް އަރައި މަސައްކަތް ކުރަމުންދިޔަ މީހެއް ކަމަށެވެ.

އޭނާ ރުކުން ވެއްޓުނީ މަސައްކަތުގެ ތެރެއިން ކުޑަ ބްރޭކެއް ނެގުމަށްފަހު، އަލުން ރުކަށް އަރައި މަސައްކަތް ކުރަން އުޅުމުގެ ތެރޭގައި ކަމަށް ކައުންސިލަރު މައުލޫމާތު ދެއްވިއެވެ.

comment ކޮމެންޓް