ކަރާ ކިލޯއެއްގެ އަގު 30 ރުފިޔާއާ ހަމައަށް ދަށްވެއްޖެ

ކަރާ ކިލޯއެއްގެ އަގު 30 ރުފިޔާއަށް ދައްވެއްޖެ -- ސަން ފޮޓޯ/ އަހުމަދު އަވްޝަން އިލްޔާސް

ރަމަޟާން މަހާ ގުޅިގެން ބާޒާރުގައި ކަރާގެ އަގު 30 ރުފިޔާއަށް ދަށްވެއްޖެއެވެ. މީގެ ތިން ދުވަސް ކުރިން 35 ރުފިޔާއަށް ލިބެން ހުރި ކަރާގެ އަގު މިހާރު ހެޔޮވެފައިވަނީ އިންޑިއާއިން އާ ޝިޕްމެންޓެއް ރާއްޖެ އެތެރެކުރުމާ ގުޅިގެންނެވެ. ކަރާގެ އިތުރުން އަލަނާސި ފަދަ ބައެއް ބާވަތްތަކުގެ އަގުތައް ވެސް މިހާރު ވަނީ ކޮންމެވެސް ވަރަކަށް ހެޔޮވެފައެވެ. ނަމަވެސް ބައެއް އެހެނިހެން ތަރުކާރީ އާއި މޭވާގެ އަގުތައް ބާޒާރުގައި ހުރީ ތަފާތު އަގުތަކެއްގައެވެ.

  • ކަރާ ކިލޯއެއްގެ އަގު 35 ރުފިޔާއިން 30 ރުފިޔާއަށް ދަށްވުން
  • އިންޑިއާއިން ކަރާގެ ޝިޕްމެންޓެއް ލިބުމުން ސަޕްލައި އިތުރުވުން
  • އަލަނާސިގަނޑެއްގެ އަގު 60 ރުފިޔާއިން 50 ރުފިޔާއަށް ހެޔޮވުން
  • ބާޒާރުގައި މިރުސް، ލުނބޯ، އަދި ދޮންކެޔޮ ފަދަ ތަކެތި ތަފާތު އަގުތަކުގައި ލިބެން ހުރުން

ރަމަޟާން މަހު ދިވެހީންގެ މެދުގައި މަގުބޫލު ފަނިގިރުމުގެ ބާވަތެއް ކަމަށްވާ ކަރާގެ، ކިލޯއެއްގެ އަގު ބާޒާރުގައި 30 ރުފިޔާއާ ހަމައަށް ދަށްވެއްޖެއެވެ.

ބާޒާރުގައި މިއަދު ކަރާ ކިލޯއެއްގެ އަގު އުޅެނީ 30 ރުފިޔާއަށެވެ. މީގެ ތިން ދުވަސް ކުރީން ކަރާކިލޯއެއް ލިބެނީ 35 ރުފިޔާއަށެވެ. 'ސަން'އަށް މައުލޫމާތު ލިބިފައިވާ ގޮތުގައި ކަރާގެ އަގު ދަށްވީ، އިންޑިއާއިން ކަރާގެ ޝިޕްމެންޓެއް ރާއްޖެ ގެނައުމުންނެވެ.

މި ރޯދަމަސް ފެށުނުއިރު ބާޒާރުގައި ކަރާގެ އަގު ހުރީ، 20 ރުފިޔާއާއި 25 ރުފިޔާއާ ދެމެދުގައެވެ. ބާޒާރުގައި ކަރާ މަދުވެ، މި ރޯދަ މަހު ފުރަތަމަ ފަހަރަށް ރަތް ކަރާ ކިލޯއެއްގެ އަގު 30 ރުފިޔާއަށް އެރީ މި މަހުގެ ކުރީކޮޅުގައެވެ.

ކަރާގެ އިތުރުން ފަނިގިރުމަށް ބޭނުންކުރާ ކުރުނބަލުގެ އަގު މިއަދުގެ ބާޒާރުގައި ހުރީ 30 ރުފިޔާއާއި 40 ރުފިޔާއާއި ދެމެދުގެ އަގެއްގައެވެ. އަދި ކުރުނބާ ފުޅިއެއްގެ އަގު ހުރީ 120 ރުފިޔާގަވެ. މި ރޯދަމަސް ފެށުނުއިރު ބާޒާރުގައި ކުރުނބާގެ އަގު ހުރީ، 50 ރުފިޔާއާއި 60 ރުފިޔާއާ ދެމެދުގައި ހިފެހެއްޓިފައެވެ.

ބާޒާރުގައި އަލަނާސިގަނޑެއްގެ އަގު ހުރީ 50 ރުފިޔާއަށެވެ. މީގެ ތިން ދުވަސް ކުރީން ބާޒާރުގައި އަލަނާސި ގަނޑެއް ލިބެންހުރީ 60 ރުފިޔާއަށެވެ.

ފަނިގިރާ ބާވަތްތަކުގެ އިތުރުން ބާޒާރުގައި ބައެއް ތަކެތި ވިއްކަންހުރި އަގުތަކަށް ބަލާލާއިރު:

މިރުސް: 280/230 ރުފިޔާ ކިލޯ
ލުނބޯ: 70 ރުފިޔާ ކިލޯ
ވެކިއުމް މަސް: 120 ރުފިޔާ ކިލޯ
ދޮންކެޔޮ: 50/60 ރުފިޔާ ކިލޯ
ފަޅޯ: 40 ރުފިޔާ ކިލޯ
ހިކަނދިފަތް: 10 ރުފިޔާ ކޯޅިއެއް
ރާނބާފަތް: 5 ރުފިޔާއަށް ފަތެއް

comment ކޮމެންޓް