ދިރާގުން ދޭ ދެވަނަ ސްޕީޑްބޯޓް ހޯދުމުގެ ފުރުސަތު މި މަހުގެ ނިޔަލަށް ހުޅުވާލައިފިއެވެ.
ދިރާގުގެ 'ވިން 2 ސްޕީޑްބޯޓްސް' ޕްރޮމޯޝަންގެ ދަށުން ދޭ ފުރަތަމަ ސްޕީޑްބޯޓްގެ ނަސީބުވެރިއަކަށް ހޮވުނު ޢަބްދުالله ސަޢީދުއާ މިދިޔަ ޖަނަވަރީ މަހުގެ 27ގައި ސްޕީޑުބޯޓު ވަނީ ހަވާލުކޮށްފިއެވެ.
އެ ޕްރޮމޯޝަނަށް އެންރޯލްކޮށްގެން ދިރާގުން ދޭ ދެވަނަ ސްޕީޑްބޯޓު ހާސިލުކުރުމުގެ ފުރުސަތު ވަނީ މި މަހުގެ ނިޔަލަށް ހުޅުވާލައިފައެވެ. މިއީ މި ޕްރޮމޯޝަނަށް އެންރޯލްކުރުމަށް ލިބޭ އެންމެ ފަހު ފުރުސަތުކަން ދިރާގުން ފާހަގަކުރެއެވެ.
އެ ކުންފުނިން ވަނީ، މި ޕްރޮމޯޝަނަށް ކުރިން އެންރޯލްކޮށްފައިވާ ކަސްޓަމަރުންނަށް ވެސް ދެވަނަ ބޯޓު ހާސިލުކުރުމުގެ ފުރުސަތު އެބައޮތް ކަމަށް ބުނެފައެވެ. ދެވަނަ ސްޕީޑްބޯޓުގެ ނަސީބުވެރިޔާ އެނގޭނީ މި އަހަރުގެ ޖޫން މަހުގައި ކަމަށް ދިރާގުން ބުންޏެވެ.
އެ ޕްރޮމޯޝަންގެ ދެވަނަ ނަސީބުވެރިއާއަށް ވެސް އަލް ޝާލީ މެރިން ކެނެރީ 28 މޮޑެލްގެ ސްޕޯޓްސް ސްޕީޑްބޯޓެއް، ޔަމަހާ 250 ހޯސްޕަވަރުގެ އިންޖީނަކާއެކު ލިބޭނެއެވެ. މި ހިތްގައިމު ސްޕީޑްބޯޓަކީ އެކި ކަންކަމަށް ބޭނުންކުރެވޭގޮތަށް ފަރުމާކޮށްފައިވާ ހިތްގައިމު، ރީތި ސްޕީޑްބޯޓެއްކަން ދިރާގުން ފާހަގަކުރެއެވެ.
ދިރާގުން ކުރިއަށްގެންދާ ފޯރިގަދަ 'ވިން 2 ސްޕީޑްބޯޓްސް' ޕްރޮމޯޝަންގައި ދިރާގު ޕްރީޕެއިޑް، ޕޯސްޓްޕެއިޑް، ލިމިޓެއްނެތް ފައިބާ ކަސްޓަމަރުންނަށް އަދި އަލަށް ދިރާގާ ގުޅޭ ކަސްޓަމަރުންނަށް ބައިވެރިވެވޭނެއެވެ. މީގެ އިތުރުން، ދިރާގުޕޭއަށް ރަޖިސްޓަރީކުރާ ކަސްޓަމަރުންނަށް މި އަގުހުރި އިނާމު ހޯދުމުގެ ފުރުސަތު އިތުރުވާނެއެވެ.
އެ ޕްރޮމޯޝަންގެ ލަކީ ޑްރޯގައި ބައިވެރިވެވޭނެ ކަސްޓަމަރުންގެ ތެރޭގައި:
- ދިރާގު ޕްރީޕެއިޑް ޕްލޭންތަކަށް 450 ރުފިޔާ ނުވަތަ އެއަށްވުރެ އިތުރަށް ރީލޯޑްކުރާ ކަސްޓަމަރުން
- ދިރާގު ޕޯސްޓްޕެއިޑް 450 ނުވަތަ އެއަށްވުރެ މަތީ ޕްލޭންތައް ބޭނުންކުރާ ކަސްޓަމަރުން
- އަމިއްލަ ޕޯސްޓްޕެއިޑް ޕްލޭންއަކަށް 450 ރުފިޔާ ނުވަތަ އެއަށްވުރެން މަތިން ބިލް ދައްކާ ކަސްޓަމަރުން
- ދިރާގު ލިމިޓެއްނެތް ފައިބާ 40އެމް ނުވަތަ އެއަށްވުރެ މަތީގެ ޕްލޭންތަކުގެ ކަސްޓަމަރުން
އެ ޕްރޮމޯޝަންގައި އެންރޯލްކުރުމަށް ޚާއްސަ ޕޯޓަލްއެއް ކަނޑައަޅައިފައިވެއެވެ. އެއީ، https://bit.ly/Win-2-SPeedboats އެވެ.
މި ޕްރޮމޯޝަނާ ބެހޭ އިތުރު މައުލޫމާތު ދިރާގުގެ ވެބްސައިޓުން ލިބެން ހުންނާނެއެވެ.