މި ރޯދަމަހުގެ ފަހު 10ގައި ޑިޕާޓްމެންޓް އޮފް ނެޝަނަލް ރެޖިސްޓްރޭޝަން (ޑީއެންއާރް)އިން ޚިދުމަތް ދޭނެ ދުވަސްތައް މިއަދު އިއުލާނުކޮށްފިއެވެ.
ޑީއެންއާރުން ނެރުނު އިއުލާނެއްގައި ވަނީ، ފަހު 10ގައި ދިވެހި ރައްޔިތެއްކަން އަންގައިދޭ ކާޑު ދޫކުރުމުގެ ޚިދުމަތް ދޭނީ މި މަހުގެ 11 ވަނަ ދުވަހާއި 15އާއި 17އާއި 19ގައި ކަމަށެވެ.
އެ ދުވަސްތަކުގައި ޚިދުމަތް ދޭނީ 9:00އިން 13:00އަށެވެ.
އެ ދުވަސްތަކުގައި އައިޑީކާޑު ދޫކުރުމުގެ ޚިދުމަތް ދިނުމަށް ހަމަޖެހިފައިވާ އޮފީސްތަކަކީ:
- ޑީއެންއާރު ހެޑް އޮފީސް، މާލޭ
- އުމަރު ޒާހިރު ބިލްޑިންގް، ހުޅުމާލޭ ފުރަތަމަ ފިޔަވަހި
- ވިނަރެސް ޓަވަރު 2، ހުޅުމާލޭ ދެވަނަ ފިޔަވަހި
- ޑީއެންއާރު ވިލިމާލެ އޮފީސް
ޑީއެންއާރުން ވަނީ، އެމާޖެންސީ ހާލަތްތަކުގައި އެ ޑިޕާޓްމެންޓުގެ ނަންބަރު 7280368އަށް ގުޅުމުން ޚިދުމަތް ދޭނެކަން ފާހަގަކޮށްފައެވެ.
ރޯދަ މަހު ސަރުކާރު އޮފީސްތަކުގައި މަސައްކަތް ކުރާ ރަސްމީ ގަޑިއަކީ، ހެނދުނު 09:00 އިން 13:00އަށެވެ. ނަމަވެސް ފަހު 10ގައި ސަރުކާރު ބަންދުވާނެއެވެ. ފަހު 10 ދުވަސް ފެށޭނީ، އަންނަ ހޯމަ ދުވަހެވެ.