ބޭންކް އޮފް މޯލްޑިވްސް (ބީއެމްއެލް) ކްރެޑިޓް ކާޑުން ކޮންމެ ކަސްޓަމަރަކަށް ރާއްޖެއިން ބޭރުގެ މުޢާމަލާތްތައް ކުރުމަށް ކޮންމެ މަހަކަށް ކަނޑައަޅާފައިވާ ލިމިޓް އަންނަ މަހުން ފެށިގެން ބޮޑުވާނެ ކަމަށް އެ ބޭންކުން މިއަދު ބުނެފިއެވެ.
މި އަހަރުގެ ފެބްރުއަރީން ފެށިގެން ކްރެޑިޓް ކާޑުގެ ޑޮލަރު ލިމިޓު ބޮޑުކުރަން ނިންމެވިކަން ހާމަކުރެއްވީ މިދިޔަ ސެޕްޓެމްބަރު މަހު، ރައީސް ޑރ. މުޙައްމަދު މުއިއްޒެވެ.
އެއާއެކު މިއަދު ބީއެމްއެލުން ވަނީ ރޭޓުތައް ބޮޑުވާ މިންވަރުގެ ތަފްސީލް ހިއްސާކޮށްފައެވެ. އެގޮތުން:
- ކްލެސިކް ކާޑު: މިހާރު ލިބޭ 750 ޑޮލަރުން، 1،400 ޑޮލަރަށް
- ގޯލްޑް ކާޑު: މިހާރު ލިބޭ 750 ޑޮލަރުން، 1،500 ޑޮލަރަށް
- ޕްލެޓިނަމް ކާޑު: މިހާރު ލިބޭ 1،500 ޑޮލަރުން، 3،000 ޑޮލަރަށް
ބޭންކުން ބުނީ މިއީ ކޮންމެ ކަސްމަރަކަށް ޑެބިޓް ކާޑުން ބޭނުންކުރެވޭ ގޮތަށް ހަމަޖައްސާފައިވާ ލިމިޓްގެ އިތުރުން އެ ކަސްޓަމަރެއްގެ ކްރެޑިޓް ކާޑަށް ހަމަޖައްސައިފައިވާ ލިމިޓެއް ކަމަށެވެ.
ޑެބިޓް ކާޑުން ރާއްޖޭން ބޭރުގައި ފައިސާ ދެއްކުމަށް ކަނޑައަޅާފައިވާ ލިމިޓް ބޮޑުކުރީ މިދިޔަ ނޮވެމްބަރު 11ވަނަ ދުވަހުން ފެށިގެން 1،000 ޑޮލަރާ ހަމައަށެވެ.