ޖުމްލަ 8،000 އަށްވުރެ ގިނަ ދަރިވަރުންނާއެކު މިއަަހަރުގެ އޯލެވެލް އިމްތިހާނު މިއަދު ފަށައިފިއެވެ.
"ސަން" އަށް މައުލޫމާތު ދެމުން އެޑިއުކޭޝަން މިނިސްޓްރީއިން ބުނީ މި ފަހަރުގެ އޯލެވެލް އިމްތިހާނު މާލެ ސަރަހައްދުގައި 21 ސެންްޓަރެއްގައި ކުރިއަށްދާ ކަމަށެވެ. އަދި އަތޮޅުތެރޭގެ 246 ސެންޓަރެއްގައި ކުރިއަށްދާ ކަމަށެވެ. އެހެންކަމުން ޖުމަލަ 267 ސެންޓަރެއްގައި މިފަހަރުގެ އޯލެވެލް އިމްތިހާނު ހަދައެވެ.
މި ސެންޓަރުތަކުގައި ޖުމްލަ 8،218 ދަރިވަރުން ސާނަވީ ނިންމާ އިމްތިހާނުތައް ހަދާނެއެވެ. މި އަހަރުގެ އޯލެވެލް އިމްތިހާނުތައް އޮންނާނީ މާޗު މަހުގެ ހަވަނަ ދުވަހުގެ ނިޔަލަށެވެ.
ދިރާސީ އަހަރަށް ގެނައި ބަދަލާއެކު ފެބްރުއަރީ މާޗްގައި މި އަހަރު އޯލެވެލް ހަދާއިރު، މިދިޔަ އަހަރު ވަނީ އަހަރުގެ އޭޕްރިލް މަހާއި މޭ މަހުގައި ވެސް އޯލެވެލް ހަދައިފައެވެ.
ބޮޑު ބަންދަކަށްފަހު އިއްޔެ ވަނީ 80،000 އަށްވުރެ ގިނަ ދަރިވަރުންނާއެކު މި އަހަރުގެ ކިޔެވުން ފަށާފައެވެ.
އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވަނީ، އޯލެވެލްގެ އެސްއެސްސީ އިމްތިހާނަށް ޤުރުއާން މާއްދާ ކިޔަވައިދޭން ފަށައި، އަންނަ އަހަރުން ފެށިގެން އެ މާއްދާއިން އިމްތިހާނު ބާއްވަން ނިންމާފައި ވާކަމަށް ވެސް އިއުލާނުކުރައްވައިފައެވެ.