މާލޭގެ ދެ ސަރަހައްދެއް ބަންދުކޮށް، ފުލުހުންނާއި ސިފައިން ހަތިޔާރާއެކު ފޯރިމަރަން ފަށައިފިއެވެ.
މިއަދު މެންދުރު ބަންދުކޮށްފައިވަނީ ޖަސްޓިސް ބިލްޑިން ހިމެނޭ ސަރަހައްދާއި ޗައިނާ އެމްބަސީ ކައިރިއެވެ. އެ ދެ ހިސާބަށް އާއްމުންނާއި ނޫސްވެރިންނަށް ވެސް ނުވަދެވޭނެހެން ބަންދުކޮށް ސިފައިން އަންނަނީ ހަރަކާތްތެރިވަމުންނެވެ.
"ސަން"އަށް އެނގިފައިވާ ގޮތުގައި ސިފައިންނާއި ފުލުހުން އެ ދެ ސަރަހައްދުގައި ހަރަކާތްތެރި ވަނީ މާލޭ ސިޓީ ކައުންސިލްގެ އޮންލައިން ޕޯޓަލްއަށް، ކާކުކަން ނޭނގޭ ގޮތަށް މިއަދު ފޮނުވާފައިވާ އިންޒާރަކާ ގުޅިގެންނެވެ.
ނަމަވެސް އެކަމާ ބެހޭ މައުލޫމާތެއް ސިފައިންނާއި ފުލުހުން ވެސް ހާމައެއް ނުކުރެއެވެ.
އާއްމުކޮށް މިގޮތަށް ސިފައިން އޮޕަރޭޝަންތައް ހިންގަނީ ގޮވާޒާތުގެ އެއްޗެއް ފެނިގެން ނުވަތަ ޓެރަރިޒަމާ ގުޅުންހުރި އޮޕަރޭޝަންތަކުގައެވެ.