މާލެއިން 23 އަހަރުގެ ޒުވާނަކު ވީނުވީއެއް ނޭނގި ގެއްލިގެން ހޯދަން ފަށައިފިއެވެ.
ފުލުހުން ބުނީ ގެއްލިގެން ހޯދަނީ ހދ. ކުޅުދުއްފުށްޓަށް ނިސްބަތްވާ އުމުރުން 23 އަހަރުގެ އަޙްމަދު އަނިލް މުޙައްމަދު ކަމަށެވެ.
އާއިލާއަށް ޚަބަރެއްނުވެ ގެއްލިފައިވާ ކަމަށް ރިޕޯޓުކޮށްފައިވާތީ އޭނާ ހޯދުމުގެ މަސައްކަތް ފުލުހުންދަނީ ކުރަމުންނެވެ.
އަޙްމަދު އަނިލް މުޙައްމަދު މިހާރު ދިރިއުޅެމުންދަނީ މާލޭގައި ކަމަށާއި، އޭނާގެ ޚަބަރެއް އެންމެ ފަހުން ވެފައިވަނީ މިދިޔަ ބުރާސްފަތި ދުވަހު ހެނދުނު، ފޯނުން ކަމަށް އޭނާގެ އާއިލާއާ ހަވާލާދީ ފުލުހުން ބުންޏެވެ.
އޭނާއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 އަށް ނުވަތަ ކުޅުދުއްފުށީ ޕޮލިސް ސްޓޭޝަނުގެ ނަންބަރު 9791382 އަށް ގުޅައި ހިއްސާކުރުމަށް އެދިފައެވެ.
މީހުން ގެއްލުމުގެ ރިޕޯޓު ދޭތެރެއަކުން ފުލުހަށް ހުށަހެޅި ނަމަވެސް، އިއުލާނު ކުރާތާ މަދު ވަގުތުކޮޅެއް ތެރޭ ގިނަ ފަހަރަށް އެމީހުން އަމިއްލައަށް އާއިލާއާ ހަވާލުވެއެވެ.