ފާޅުކަން ބޮޑުކޮށް، އަންހެން ހެދުން އަޅައިގެން އުޅޭ ދިވެހި ފިރިހެނަކު ކޯޓު އަމުރެއްގެ ދަށުން ހައްޔަރުކޮށްފިއެވެ.
މި ކަމުގެ މައުލޫމާތު މީޑިއާތަކާ ހިއްސާކުރަމުން ފުލުހުން ބުނީ ހައްޔަރުކޮށްފައިވަނީ 39 އަހަރުގެ ދިވެހި ފިރިހެނެއް ކަމަށެވެ. އޭނާ ހައްޔަރުކުރީ އިޖްތިމާއީ މިންގަނޑާ ޚިލާފަށް، އަންހެން ހެދުން އަޅައިގެން ސޯޝަލް މީޑިއާގައި ވީޑިއޯ އާންމުކުރަމުން ދާތީކަމަށް ފުލުހުން ބުންޏެވެ.
އޭނާ ހައްޔަރުކުރީ މިއަދެވެ.
މި މައްސަަލަ އެންމެ ބޮޑަށް އާންމުވެފައި އޮތީ ޓިކްޓޮކުގައެވެ. އެގޮތުން މީގެކުރިން ވެެސް މިފަދައިން އަންހެން ހެދުން އަޅައިގެން ވީޑިއޯ އާންމުކުރާ މީހެއްގެ މައްސަލަ ވަރަށް ބޮޑަށް ވަނީ ފެންމަތިވެފައެވެ.
މި ފަހުން ވެސް އެ މައްސަލަަ ފެންމަތިވެފައިވެއެވެ.
ފިރިހެނަކު އަންހެން ހެދުން އަޅުމަކީ ދީނީ ގޮތުންނާއި، ގާނޫނީ ގޮތުން ވެސް ބޮޑު ކުށެކެވެ.