ކ. ގުރައިދޫގައި ހިންގާ ގެސްޓް ހައުސްއެއްގެ ތެރޭގައި ކުނިވެފައި އޮތް މީހެއްގެ ހަށިގަނޑު ފެނިއްޖެއެވެ.
ފުލުހުން މީޑިއާ އޮފިޝަލް "ސަން"އަށް ވިދާޅުވީ ގުރައިދޫ ގެސްޓް ހައުސެއްގެ ކޮޓަރިއަކުން ކުނިވަސް ދުވާ ކަމުގެ މައުލޫމާތު އިއްޔެގެ 18:47ގައި ލިބިފައިވާ ކަމަށެވެ.
އެ ގެސްޓްހައުސްގެ ކޮޓަރި ތެރޭގައި މަރުވެފައި އޮއްވާ ފެނިފައިވަނީ އިނގިރޭސި ވިލާތަށް ނިސްބަތްވާ އުމުން 57 އަހަރުގެ އަންހެނެކެވެ.
ފުލުހުން އަންނަނީ މި މައްސަލަ ހިނގާފައިވާ ގޮތް އިތުރަށް ތަހުގީގު ކުރަމުންނެވެ.