ހ.ނޫއަލިގޭގައި ހުރި ބިލްބޯޑެއްގައި ރޯވި ހާދިސާއާ ގުޅިގެން 10 މީހަކަށް ހޮސްޕިޓަލުގައި ފަރުވާދޭން ފަށައިފިއެވެ.
އެމްއެންޑީއެފްއިން ބުނީ އެ ހާދިސާގައި 10 މީހުންނަށް ދުމުގެ އަސަރުކޮށްގެން ސެނަހިޔާ މިލިޓަރީ ހޮސްޕިޓަލަށް ގެންގޮސްފައިވާ ކަމަށެވެ.
އެ އަލިފާނުގެ ހާދިސާ ހިނގީ މިއަދު 08:55 ހާއިރުއެވެ. ސިފައިން ކުރި މަސައްކަތުން ރޯވެފައި ހުރި އަލިފާން އެއްކޮށް ނިއްވާލެވުނީ 09:25 ހާއިރުއެވެ.
އެ ސަރަހައްދުގައި ހުރި މީހަކު "ސަން"އަށް ބުނީ އެ ބޯޑުގައި ރޯވެ، ގޭގެ އެތެރެއަށް ވެސް އަލިފާންގަނޑު ފެތުރިފައިވާކަމަށް ލަފާ ކުރެވޭ ކަމަށެވެ.
މި ހާދިސާގައި އެ ގެއަށް ލިބުނު ގެއްލުމުގެ ތަފްސީލެއް އަދި ވަނީ ލިބޭގޮތް ނުވެފައެވެ.