މޯލްޑިވްސް ކަސްޓަމްސް ސާވިސްގެ ބެލުމުގެ ދަށުގައި ހުރި ގިނަ އަދަދެއްގެ ބަނގުއާވި ނައްތާލައިފި އެވެ.
ކަސްޓަމްސްއިން ބުނީ ކ. ތިލަފުށި ސައިޓުގައި އެތަކެތި ނައްތާލާފައިވަނީ ފެބްރުއަރީ 18 ވަނަ ދުވަހު ކަސްޓަމްސް އޮފިސަރުންނާއި މީޑިއާގެ ހާޒިރުގައި ކަމަށެވެ.
އެގޮތުން ނައްތާލި ބަނގުއާވީގެ އަދަދަކީ 1800 އެވެ. އެއީ 75 ކޭސް (ކޭހެއްގައި 24 ދަޅު) އެވެ.
ކަސްޓަމްސްއިން ބުނީ އެތަކެއްޗަކީ ކަސްޓަމްސްގެ އާންމު ގަވާއިދުގެ 422 ވަނަ މާއްދާގެ ދަށުން އެކަށައަޅާފައިވާ، ރާއްޖެއަށް އެތެރެކުރަން އުޅެނިކޮށް ހިފެހެއްޓޭ މަނާ ތަކެތި ނައްތާލުމުގައި އަމަލުކުރާ އުސޫލުގެ ދަށުން ނައްތާލި ތަކެތި ކަމަށެވެ.