މާލޭގައި މިރޭ ތޫނުއެއްޗަކުން ހަމަލާދީ ބިދޭސީއަކު ޒަހަމްކޮށްލައިފިއެވެ.
ފުލުހުންގެ މީޑިއާ އޮފިޝަލް ވިދާޅުވީ ބިދޭސީއަކަށް ހަމަލާދީފައި ވަނީ މާފަންނު ފިޔާތޮށި ގޯޅީގައި ކަމަށެވެ.
ޒަހަމްވި ބިދޭސީ މީހާއަށް އައިޖީއެމްއެޗްގައި އަންނަނީ ފަރުވާދެމުންނެވެ.
އެ ހަމަލާގެ މައުލޫމާތު ފުލުހުންނަށް ލިބިފައި ވަނީ 22:05 ހާއިރު ކަމަށް އޮފިޝަލް ވިދާޅުވިއެވެ.
"ސަން" އަށް އެނގިފައިވާ ގޮތުގައި އޭނާ އަށް ހަމަލާދީފައި ވަނީ ވެސް ބިދޭސީއެކެވެ. އަދި ހަމަލާދިނުމަށްފަހު އެ ބިދޭސީ މީހާ ވަނީ ފިލާފައެވެ.
ފުލުހުން ބުނީ އެ މައްސަލަ ފުލުހުން އިތުރަށް ތަހުގީގުކުރަމުން އަންނަ ކަމަށެވެ.