Last Updated: 1 decade 2 year ago

އެކުވެރިކަމުގެ މެޗް: ރާއްޖެ 7 - 1 ލާއޮސް

ބުލޮގު ޚުލާސާ

އަންނަ ހޯމަ ދުވަހު ފަށާ އޭއެފްސީ ޗެލެންޖު ކަޕަށް ނުކުންނަ ލާއޮސް ޓީމާ ދެކޮޅަށް ރާއްޖެ މިރޭ ކުޅޭ އެކުވެރިކަމުގެ މެޗު ފަށާނީ މިރޭ 9:00 ޖަހާއިރު އެވެ. ދަނޑަށް ވަނުމަށް އެތައް ބަޔަކު ވަނީ ރަތް ކުލައިގެ ޖާޒީ ލައިގެން ކިއު ހަދާފަ އެވެ. އެކުވެރިކަމުގެ މެޗުތަކުގެ ޓިކެޓުތަކުގެ ބޮޑު ބައެއް މިހާރު ވަނީ ވިކި ހުސްވެފަ އެވެ. ފީފާ ރޭންކިންގައި ލާއޮސް އޮތީ ރާއްޖެއަށް ވުރެ 21 ދަރަޖަ ފަހަތުގަ އެވެ. ފީފާ ރޭންކިންގައި ލާއޮސް އޮތީ 174 ވަނާގަ އެވެ. ރާއްޖެ އޮތީ އެ ގައުމަށްވުރެ 153 ވަނާގައި ކުރީގައި، ސާކު ސަރަހައްދުގެ ތިން ވަނާގަ އެވެ. ލާއޮސް މީގެ ކުރިން ޗެލެންޖު ކަޕަށް ކޮލިފައިވެފައެއް ނުވެ އެވެ. މިފަހަރު އެ ޓީމު ޗެލެންޖު ކަޕަށް ކޮލިފައިވީ ޗެލެންޖު ކަޕް ކޮލިފައިންގައި އެންމެ ރަނގަޅު ނަތީޖާ ދެއްކި ދެ ޓީމުގެ ތެރޭގައި ހިމެނުމުންނެވެ. ޗެލެންޖު ކަޕުގައި ލާއޮސް ވާދަ ކުރަނީ ގްރޫޕް ބީ ފަޅީގަ އެވެ.

22:57

ލާއޮސް ޓީމު އެންމެ ފުރަތަމަ ކުޅުނު ބައިނަލްއަގްވާމީ މެޗުގައި ދެކުނު ވިއެޓްނާމް އަތުން ބަލިވެފައިވަނީ 7-0 އިން. އެއީ 1961 ވަނަ އަހަރު. އަދި އެޓީމު އެންމެ ބޮޑު ބައްޔެއް މިހާތަނަށް ވެފައިވަނީ، އިންޑޮނީޝިއާގެ ވެރިރަށް ޖަކާޓާގައި މިސްރު އަތުން 15-0 އިން. އެއީ 1963ގައި.

22:57

މެޗުގެ ކުޅުން ނިމިއްޖެ. ރާއްޖެ 7-1 ލާއޮސް.

22:56

ނަތީޖާ ބަަދަލުކޮށްލާނެ ރަނގަޅު ފުރުސަތެއް. އަސަދުﷲ ފޮނުވާލި ބޯޅަ ގޯލްގެ ހުރަސް ދަނޑިމަތިން ބޭރަށް.

22:53

މެޗުގެ ފުރިހަމަ ވަގުތުގެ ކުޅުން ނިމި، އިތުރު ވަގުތުގެ 3 މިނިޓް ކުޅުން ދައްކައިފި.

22:53

ސަޑޭއަށް ލަނޑު ޖަހާނެ ފުރުސަތެއް ލިބުނު ނަމަވެސް އޭނާ ބޯޅަ ފޮނުވާލިއިރު ލައިންސްމަން ހުރީ އޮފްސައިޑް ކަމަށް ދިދަ ނަގާފައި.

22:49

އަނެއްކާވެސް ރާއްޖެ ޓީމުން ބަދަލެއް. ބޮންޑާގެ ބަދަލުގައި އަހްމަދު މުހައްމަދު (އަންމަޑޭ) ކުޅެން އަރުވައިފި.

22:47

ރާއްޖެ ޓީމުން ދެ ބަދަލެއް ގެންނަނީ. ކެޕްޓަން ދަގަނޑޭގެ ބަދަލުގައި ކުޅެން އަރުވަނީ އަސަދުﷲ. އަދި ސެންޓޭގެ ބަދަލުގައި އަހްމަދު ނާޝިދު (ނާއްޓޭ).

22:46

ލާއޮސް ހާފުގެ މެދު ތެރެއިން ސެންޓޭއަށް ލިބުނު ބޯޅައެއް ކީޕަރު ކައިރިން ނައްޓާފައި ވަރަށް ރީތިކޮށް ގޯލް ތެރެއަށް ފޮނުވާލައިފި. މިއީ މި މެޗުގައި ސެންޓޭގެ ދެވަނަ ލަނޑު. ރާއްޖެ 7 - 1 ލާއޮސް.

22:44

ރާއްޖެ ޓީމުން ލަނޑެއް ޖަހައިފި. ލާއޮސް ގޯލް އޭރިޔާތެރެއަށް އޮއްޕޮ ހުރަސްކޮށްލި ބޯޅަ، ސަޑޭގެ ބޮލުގައި ޖެހިފައި ލާއޮސް ގޯލްގެ ތެރެއަށް. ރާއްޖެ 6 - 1 ލާއޮސް.

22:42

ރާއްޖޭ ޓީމުން އަޑުބަރޭގެ ބަދަލުގައި ބަކާ ކުޅެން ނެރެފި.

22:41

ރާއްޖެ ޓީމުން އަނެއްކާ ވެސް ބަދަލެއް. އުމޭރު ބާލުވާފައި ބަދަލުގައި ކުޅެން އެރުވީ އިބްރާހީމް ފަޒީލް (އޮއްޕޮ).

22:40

ލާއޮސް ޓީމުން ބަދަލެއް. 6 ނަންބަރު ބާލުވާފަ 15 ނަންބަރު ކުޅެން ނުކުމެއްޖެ.

22:39

މެޗުގެ 77 ވަނަ މިނިޓުގެ ކުޅުން ކުރިއަށްދާއިރު ރާއްޖެ 5 - 1 ލާއޮސް.

22:37

ރާއްޖެ ޓީމުން އަނެއްކާވެސް ލަނޑު ޖަހައިފި. ލާއޮސް ޕެނަލްޓީ އޭރިޔާ ތެރެއަށް ދަގަނޑޭ ހުރަސްކޮށްލި ބޯޅަ، ބޮލުން ޖަހައި ގޯލުތެރެއަށް ފޮނުވައިލީ ބޮންޑާ.

22:36

ލައޮސް އޭރިޔާ ބޭރުން އަރިމަތިން ރާއްޖެއަށް ލިބުނު ހިލޭ ޖެހުން ފޮނުވާލީ ދަގަނޑޭ. އޭނާ ފޮނުވާލި ބޯޅަ ގޯލް ދަނޑިކައިރިން ބޭރަށް.

22:36

ރާއްޖެ ޓީމުން އަނެއްކާ ވެސް ބަދަލެއް. ބޮކުރީގެ ބަދަލުގައި ހަސަން އަދުހަމް (ސަޑޭ).

22:35

ރާއްޖޭ ޓީމުގެ ކުޅުންތެރިއަކަށް އަނިޔާވެއްޖެ. ބޮކުރީއަށް ފަރުވާދެމުން ގެންދަނީ ގައުމީ ޓީމުގެ ފިޒީޝަން ޝަކީބު.

22:33

ރާއްޖޭ ޓީމުން ވެސް ބަދަލެއް. އަކްރަމް އަބްދުލް ޣަނީ (އަކޫ)ގެ ބަދަލުގައި ކުޅެން ނުކުތީ، ރިލްވާން ވަހީދު (ރިލޭ). ރިލޭ ލައިގެން ހުރީ މިރޭ ރިޓަޔާކުރި ޓޫކިލޯ ބޭނުންކުރި 23 ނަންބަރު ޖާޒީ.

22:32

ލާއޮސް ޓީމުން ކުޅުންތެރިއަކު ބަދަލުކޮށްފި. 7 ނަންބަރުގެ ބަދަލުގައި 12 ނަންބަރު ކުޅެން އަރައިފި.

22:30

ލާއޮސް ޓީމުން ވެސް ލަނޑު ޖަހާނެ ރަނގަޅު ފުރުސަތެއް އުފައްދައިފި. އެ ޓީމުގެ ކުޅުންތެރިއަކު ރާއްޖޭ ޕެނަލްޓީ އޭރިޔާތެރެއަށް ހުރަސްކޮށްލި ބޯޅަ ޖަހަން އަރައިހުރި ކުޅުންތެރިޔާ އަށް ރަނގަޅަށް ބޯޅަށް އަށް ނޭރުނު.

22:28

މެޗުގެ 66 މިނިޓުގެ ކުލުން ނިމިއްޖެ. މިހާރު ނަތީޖާއަކީ ރާއްޖެ 4 - 1 ލާއޮސް.

22:27

ލާއޮސް ޕެނަލްޓީ އޭރިޔާ ތެރެއަށް ވަރަށް ރީތިކޮށް ބޮންޑާ ހުރަސްކޮށްލި ބޯޅަ ހަމަ އެހާ ރީތިކޮށް ގޯލުގެ ތެރެއަށް ދަގަނޑޭ ފޮނުވާލައިފި.

22:26

ދަގަނޑޭ އަނެއްކާވެސް ނުރައްކަތެރި ހަމަލާއެއް ލާއޮސް ގޯލަށް ފޮނުވާލައިފި. އެހެން ނަމަވެސް ކީޕަރު ވަނީ އެ ބޯޅަ ދިފާއުކޮށްފައި.

22:25

ދަގަނޑޭ ފޮނުވާލި ބާރު ޕެންލަޓީ ލާއޮސް ކީޕަރާދިމާއިން ދާގަނޑުގެ ތެރެއަށް.

22:24

ދަގަނޑޭ އެކަނި ބޯޅަހިފައިގެން ލާއޮސް ޕެނަލްޓީ އޭރިޔާތެރެއަށް ވަންނަނިކޮށް ލާއޮސް ކީޕަރު ދަނގަނޑޭ ވައްޓައިލުމާގުޅިގެން ރާއްޖެ ޓީމަށް ޕެނަލްޓީއެއް.

22:16

ދަގަނޑޭއަށް ފައުލް ކުރުމުން ލާއޮސްގެ ޕެނެލްޓީ އޭރިޔާ ދިމާދުން ރާއްޖެއަށް ޖެހުމެއް.

22:16

ލާއޮސްގެ ގޯލް ކީޕަރު ބަދަލުކޮށްފި.

22:14

ލާއޮސް ޓިމު ކޮޅަށް ރާއްޖެއިން ނުރައްކާ ކޮށްފި. ދަނގަޑޭ ބޯލަ ހިފައިގެން ދަނިކޮށް ލާއޮސްގެ ޓީމުން ވަނީ އޭނާ ހުއްޓުވާފައި.

22:12

ލާއޮސްއިން ލަނޑު ޖެހިތާ މިނިޓެއް ނުވަނީ ރާއްޖެއިން ލަނޑު ޖަހައިފި. ލަނޑު ޖެހީ ހުސައިން ނިޔާޒު (ބޮކުރީ)

22:11

ލާއޮސްއިން ރާއްޖެ ކޮޅަށް ލަނޑު ޖަހައިފި. ޕެނެލްޓީ އޭރިޔާ ތެރެއިން ރާއްޖެ ޓީމުގެ ކުޅުންތެރިން ކައިރިން ބޯލަ ކަޓުވާލުމަށްފަހު ލަނޑު ޖެހީ ލާއޮސް ޓީމުގެ ހަތް ނަމްބަރު ކުޅުންތެރިޔާ.

22:09

ލާއޮސް ޓީމުން ކުޅުންތެރިޔަކު ބަދަލުކޮށްފި.

22:08

ދެ ވަނަ ހާފު ފަށައިފި.

22:00

ޓޫކިލޯ، އޭނާގެ 23 ނަންބަރު ޖާޒީ، އެފްއޭއެމްގެ ރައީސް އިލްހާމް އަހްމަދާ ހަވާލުކޮށްފި.

21:59

މިހާރު ކުރިއަށްދަނީ، ގައުމީޓީމަށް ފުޓްބޯޅަކުޅުން މިރޭ ހުއްޓައިލި ޓީމުގެ މުހިއްމު ކުޅުންތެރިޔާ މުހުތާރު ނަސީރުއަށް ހިދުމަތުގެ އަގު ވަޒަންކޮށް ހަނދާނީ ފިލާ ހަވާލުކޮށްދިނުން.

21:54

މިރޭގެ މެޗުގައި ޒުވާން މިޑްފީލްޑަރު އަމްދާން އަލީ ގައުމީ ޓީމަށް ރަސްމީ ފުރަތަމަ މެޗު ކުޅޭއިރު މި މެޗުގައި އޭނާގެ ފަރާތުން ރަނގަޅު ކުޅުމެއް ވަނީ ފެނިފައި.

21:53

ފުރަތަމަ ހާފުގެ ކުޅުން ނިންމާލައިފި. މެޗުގެ ނަތީޖާއަކީ ރާއްޖެ 1 - 0 ލާއޮސް.

21:49

ލާއޮސް ކުޅުންތެރިން ބޯޅަ ލަސްކުރަނީ ކަމަށް ބަލާފައި ރެފްރީ ޝިފާން ލާއޮސް ކުޅުންތެރިންނަށް އިންޒާރު ދީފި.

21:49

ފުރަތަމަ ހާފުގެ ފުރިހަމަ ވަގުތު ހަމަވެ އިތުރު ވަގުތުގެ 4 މިނިޓް ކުޅުން ދައްކައިފި.

21:47

އުމޭރު ނަގައިދިން ކޯނަރު ލާއޮސް ކީޕަރު ދިފާއުކުރަން އުޅެނިކޮށް އަޑުބަރޭ ވަނީ ގޯލުތެރެއަށް ބޯޅަ ފޮނުވާލާފައި. އެކަމަކު ރެފްރީ ވަނީ އޭގެ ކުރިން ކަށިގަނޑު ފުމެފައި.

21:47

ރާއްޖެ ޓީމުން އަނެއްކާވެސް ރަނގަޅު ހަމަލާއެއް އުފައްދަން އުޅުމުގެތެރޭގައި ބޯޅަ މިވަނީ ކޯނަރަކަށް ބޭރުކޮށްލާފައި.

21:45

ދަގަނޑޭ ނެގި ކޯނަރު ލާއޮސް ކީޕަރުގެ އަތުން ޖަހައި އަނެއްކާ ވެސް ކޯނަރަކަށް ބޭރު. ދެވަނަ ފަހަރަށް ވެސް ކޯނަރު ނެގީ ދަގަނޑޭ. ލާއޮސް ކުޅުންތެރިން އެޓީމު އޭރިޔަ ތެރެއިން ބޯޯޅަ ބޭރުކޮށްލައިފި.

21:44

އަނެއްކާވެސް ރާއްޖެ ޓީމުން ނުރައްކާތެރި ހަމަލާއެއް އުފައްދައިފި. ލާއޮސް ޕެނަލްޓީ އޭރިޔާތެރެއިން އަކޫ ފޮނުވާލި ބޯޅަ އެޓީމުގެ ކުޅުންތެރިއެއްގެ ގައިގަ ޖެހިފައި ކޯނަރަކަށް ބޭރު.

21:41

ރާއްޖޭ ޕެނަލްޓީ އޭރިޔާ ބޭރުން ލާއޮސްއަށް ލިބުނު ހިލޭ ޖެހުމެއް. ހިލޭޖެހުން އަމާޒުވީ ސީދާ ގޯލަށް. ކީޕަރު އިންރާން ވަނީ ބޯޅަ ދިފާއުކޮށްފައި.

21:39

މިރޭގެ މެޗު ބަލައިލުމަށް ވަރަށް ގިނަ އަދަދެއްގެ ސަޕޯޓަރުން ދަނޑަށް ވަދެ އެބަތިބި. ލަފާކުރެވޭ ގޮތުގައި 6000 މީހުންނަށްވުރެ އިތުރުވާނެ.

21:37

ރާއްޖޭ ޓީމުގެ ކުޅުންތެރިއަކު ބޯޅަހިފައިގެން ލާއޯސް ޕެނަލްޓީ އޭރިޔާތެރެއަށް ވަދެ ބޯޅަ ފޮނުވާލަން އުޅެނިކޮށް ލާއޮސްގެ ކީޕަރު ބޯޅަ ފޮނުވާލަން އުޅުމުގެ ތެރޭގައި ދެކުޅުންތެރިން ޖެހި ވެއްޓިއްޖެ.

21:35

ރާއްޖޭ ޓީމުން އަނެއްކާވެސް ލާއޮސް ކޮޅަށް ހަމަލާއެއް އުފައްދަން މަސައްކަތްކޮށްފި. އެހެން ނަމަވެސް ރާއްޖޭ ކުޅުންތެރިން ބޯޅަ ގޯލަށް ފޮނުވާލުމުގެ ކުރިން ލާއޮސް ކުޅުންތެރިން ވަނީ އޭރިޔާތެރެއިން ބޯޅަ ބޭރުކޮށްލާފައި.

21:34

ފުރަތަމަ 30 މިނިޓްގެ ކުޅުން ނިމުނު އިރު، ރާއްޖެ މިވަނީ އެއް ލަނޑު ހަހާފައި. އެހެން ނަމަވެސް ލާއޮސް ޓީމަށް އަދި މިހާތަނަށް ރާއްޖެ ކޮޅަށް ނުރައްކާތެރި އެންމެ ހަމަލާއެއްވެސް އުފެއްދިފައި ނުވޭ.

21:31

ލާއޮސް ހާފުތެރެއިން ބޮކުރީ ދަގަނޑޭއަށް ދިން ވަރަށް ރީތި ޕާހެއް، ހަމަ އެހާ ރީތިކޮށް ދަގަނޑޭ ގޯލުތެރެއަށް ބޯޅަ ފޮނުވާލި އެހެން ނަމަވެސް ލައިންސްމަން ހުރީ ދަގަނޑޭ އޮފްސައިޑް ކަމަށް ދައްކާފައި.

21:29

ރާއްޖޭ ޓީމަށް ނަތީޖާ ފުޅާކޮށްލާނެ ރަނގަޅު ފުރުސަތެއް ލިބިފައި ގެއްލުނީ. ދަގަނޑޭ ލާއޮސްޓީމުގެ ޕެނަލްޓީ އޭރިޔާ ތެރެއަށް ވަދެފައި ފޮނުވާލަން އުޅުނު ބޯޅަ ގޯލަށް އަމާޒު ކުރެވޭގޮތެއް ނުވި.

21:26

ލާއޮސް ޓީމަށް ލިބުނު ކޯނަރު ރާއްޖެ އޭރިޔާތެރެއިން ކުޑައްޓޭ ވަނީ ސާފުކޮށްލާފައި.

21:25

ލާއޮސް ހާފުތެރެއިން އެޓީމުގެ ކުޅުންތެރިއަކު އަނެއްކާވެސް މިވަނީ ދަގަނޑޭއަށް ފައުލުކޮށްފައި. ރާއްޖެއަށް ހިލޭ ޖެހުމެއް.

21:22

ލާއޮސް ޕެނަލްޓީ އޭރިޔާ ތެރެއިން ސެންޓޭ ބޯޅަ ހިފައިގެން ދަނިކޮށް އެޓީމުގެ ކުޅުންތެރިއަކު ސެންޓޭއަށް ފައުލުކޮށްފި. އެހެން ނަމަވެސް ސެންޓޭ ޑައިވްކުރީ ކަމަށް ބަލާފައި ރެފްރީ ވަނީ އޭނާއަށް ރީނދޫ ކާޑެއް ދައްކާފައި.

21:21

ލާއޮސް ޕެނަލްޓީ އޭރިޔާ ބޭރުން ރާއްޖެއަށް ލިބުނު ހިލޭ ޖެހުން ފޮނުވާލީ އުމޭރު. އުމޭރު ފޮނުވާލި ވަރށް ބާރު ހަމަލާ ދިޔައީ ގޯލު ދަނޑިކައިރިން ބޭރަށް.

21:19

ދަގަނޑޭ އެކަނި ލާއޯސް ހާފުތެރެއިން ބޯޅަ ހިފައިގެން ދަނިކޮށް ލާއޮސްޓީމުގެ ކުޅުންތެރިކު އަޝްފާގަށް ފައުލު ކޮށްފި. ލާއޮސް ޓީމުގެ 6 ނަންބަރު ކުޅުންތެރިޔާއަށް ރީނދޫ ކާޑު ދައްކައިފި.

21:19

ލާއޮސް ޓީމުން ރާއްޖެ ކޮޅަށް ހަމަލާއެއް އުފެއްދޭތޯ މަސައްކަތް ކުރަނީ.

21:16

ޓޫކިލޯގެ ބަދަލުގައި ކުޅެން އެރީ ހުސައިން ނިޔާޒު (ބޮކުރީ). ޓޫކިލޯ ދަނޑުން ފޭބުމުން ކުޅިވަރާބެހޭ ވަޒީ މުހައްމަދު މަލީހު ޖަމާލު އަދި އެފްއޭއެމްގެ ރައީސް އިލްހާމް އަދި ދައުލަތުގެ އިސް ވެރިން ވަނީއޭނާއާ ސަލާމް ކޮށްފައި.

21:14

ރާއްޖެ ފުރަތަމަ ލަނޑު ޖަހައިފި. މެޗުގެ 10 ވަނަ މިނިޓްގައި އުމޭރު ދިން ޕާހަކުން ލާއޯސް ގޯލް ތެރެއަށް ބޯޅަ ފޮނުވައިލީ ސެންޓޭ.

21:08

ރާއްޖޭގެ ގައުމީ ޓީމަށް މިހާތަނަށް ރަން މެޑަލް ލިބުނު ހަމަ އެކަނި މުބާރާތް ކަމަށްވާ، ސާފް ޗެމްޕިއަންޝިޕް 2008 ވަނަ އަހަރުގެ ތަށި ރާއްޖެއަށް އުފުލާލުމުގެ އުފާވެރި ވަގުތުކޮޅު ގެނެސްދިން ތާރީޚީ ލަނޑު އިންޑިއާ ކޮޅަށް ޖަހައިދިން ކުޅުންތެރިޔާ، މުހުތާރު ނަސީރު ގައުމީ ޓީމަށް ކުޅޭ އެންމެ ފަހު މެޗުގައި 5 މިނިޓު ކުޅުމަށް ފަހު ފައިބައިފި.

21:05

ގަލޮޅު ދަނޑުގައި އަޝްފާގު މިރޭ ކުޅޭ މެޗަކީ އޭނާ މެލޭޝިޔާގެ ޕޮލިސް ކްލަބް، ޕީޑީއާރްއެމް އަށް ގުޅުމަށްފަހު މި ދަނޑުގައި އޭނާ ކުޅޭ ފުރަތަމަ މެޗެވެ. އެންމެ ފަހުން އޭނާ ގަލޮޅުދަނޑުގައި ކުޅެފައި ވަނީ މިދިޔަ އަހަރުގެ ޖުލައި 29 ވަނަ ދުވަހު ދިރާގު ދިވެހި ލީގުގެ ފައިނަލުގައި.

21:04

މެޗު ފަށައިފި. އެންމެ ފުރަތަމަ ވެސް އަޝްފާގު ހަމަލާ އުފައްދައިފި. އޭނާ ފޮނުވާލި ބޯލަ ލާއޮސްގެ ކީޕަރު ވަނީ މަތަކޮށްފައި.

20:59

މިހާރު ކުރިއަށްދަނީ ރައްޖޭގެ ގައުމީ ސަލާމް.

20:58

މިހާރު ކުރިއަށްދަނީ ލާއޮސްގެ ގައުމީ ސަލާމް.

20:55

ލާއޮސްއާ ދެކޮޅަށް ރާއްޖެ ނުކުންނައިރު، އެ ޓީމަކީ ބަލި ކަށީ ޓީމެކޭ ބުނެވޭކަށް ނެތް. އެ ޓީމު ވަނީ ޗެލެންޖު ކަޕުގެ ކޮލިފައިންގައި ސަރަހައްދީ ބާރަކަށް ވަމުން އަންނަ އަފްގާނިސްތާނާ ދެކޮޅަށް ނުކުމެ، އެ ޓީމު މޮޅުވިޔަ ނުދީ ހިފަހައްޓަފައި.

20:51

ރާއްޖޭގެ ފުރަތަމަ 11: މުހައްމަދު ޝިފާން (ކުޑައްޓޭ) އަލީ އަޝްފާގު (ކެޕްޓަން) ޝަމްވީލް ގާސިމް (ބޮންޑާ) މުހައްމަދު އުމައިރު އަލީ ފާސިރު (ސެންޓޭ) އައްސަދު އަލީ އަކްރަމް އަބްދުލް ޣަނީ ހަމްދާން އަލީ ހުސައިން ނިޔާ (ބޮކުރީ) މުހައްމަދު ރަޝީދު (ހޮކޭ) މުހައްމަދު އިމްރާން (ގޯލްކީޕަރު)