މޭލޭ ގެސްޓް ހައުސްއެއްގެ ތެރެއިން މަރުވެފައި އޮއްވާ މިއަދު ފެނުނު ޒުވާނާ ވަޅުލައިފިއެވެ.
ގެސްޓް ހައުސް ތެރެއިން މަރުވެފައި އޮއްވާ ފެނުނީ، ނ. މާފަރު، އާހިޔާ، އުމުރުން 22 އަހަރުގެ ރާއިފް ނިއުމާނެވެ.
ރާއިފް ވަޅުލާފައިވަނީ މިރޭ 11:00 އެހާކަށްހާއިރު އާސަހަރާ މިސްކިތުގައެވެ.
ފުލުހުން ބުނީ، މާފަންނު ގެސްޓްހައުސްއަކުން މިއަދު މެންދުރު 12:18 ހާއިރު އަގައިން ފޮނުތަކެއް އަރައިފައި އޮތް އެއްވެސް ހަރަކާތެއް ނުކޮށް އޮތް މީހެއްގެ މައްސަލަ އެކޮމިޝަނަށް ހުށަހެޅުނު ކަމަށެވެ. އަދި އެ މައްސަލަ ތަހުގީގު ކުރަމުން ދާ ކަމަށް ފުލުހުން ބުންޏެވެ.
މި މައްސަލައާ ގުޅިގެން އިތުރު ތަފްސީލެއް ފުލުހުން ނުދެއެވެ.