ބައެއް ދިވެހީން ހުކުރު ހުތުބާއަށް "ހޮޓްބާ" އޭ ކިޔާތީ ޑރ މައުރޫފް ހުސައިން ކަންބޮޑުވުން ފާޅުކޮށްފިއެވެ.
ޑރ މައުރޫފް މިކަމާ ގުޅިގެން ކުރި ޓްވީޓުގައި ބުނެފައި ވަނީ އެފަދަ މީހުން އެކަން ކުރަނީ މުހިންމު އިސްލާމީ ޝިޢާރަކަށް އިހާނެތިކޮށް ނިކަމެތިކޮށްލުމަށް ކަމަށާއި، އެމީހުން މުސްލިމުންގެ އިހުސާސްތަކާއި ޝުއޫރުތަކާ މެދު ފަރުވާލެއް ނުބަހައްޓާ ކަމަށެވެ.
"އެމީހުން އެމީހުންގެ މުސްލިމު މައިންބަފައިންނާއި ނުވަތަ މުސްލިމު ކާފަމެން މާމަމެންގެ އިހުސާސްތަކާ މެދުވެސް ނުވިސްނަނީތަ؟،"
Some few Maldivians call the Friday sermon or Khutuba as "hotbar" (a cheap attempt to denigrate an important Islamic landmark). Ok. They don't care about the religious sentiments of Muslims. Don't they even care about their parents or grandparents' feelings who are/were faithful?
— Dr. Mauroof Hussain???????? | معروف (@drmauroof) January 25, 2019
މައުރޫފްގެ ޓްވީޓަށް ޖަވާބުދެއްވަމުން ޝެއިހް އަލީ ޒައިދު ވިދާޅުވީ އެފަދަ މީހުން އެ ވާހަކަތައް ދައްކާއިރު އެއްވެސް އެއްޗެއް ހިތަށް ނާރުވާ ކަމަށެވެ. އަދި "އިހްތިރާމްކުރުމުގެ އެއްވެސް ސިފައެއް ނެތް ކަހަލަ" ގޮތަކަށް ދޭހަ ވާ ކަމަށް ވެސް އޭނާ ވަނީ ވިދާޅުވެފައެވެ.
އިސްލާމްދީނަށް ފާޅުގައި ފާޑު ކިޔާ ދިވެހީން ގިނަވަމުން ދިއުމަކީ، މީސްކޮޅު މަދު މި ކުޑަކުޑަ ދިވެހިރާއްޖޭގައި ދާހިލީ ފިތުނައެއްގެ ހުޅުގަނޑު ފަޅައިގެން ހިނގައިދާނެ ފަދަ ނުރައްކާތެރި ކަމެއް ކަން ވެސް ބައެއް މީހުންގެ ކޮމެންޓުގައި ފާހަގަކޮށްފައި ވެއެވެ.